زوجـــي وخــينـــاته المتــكـــرره
>>>>>>>>>>>>>>>>>>>>>
سم الله الرحمن الرحيم
اخواتي الحوائياات انا امربظروف صعبه ولا لي بعد الله سبحانه وتعالى الا انتم استشيركم
ظاقت فيني الدنيا وتسددت كل البيبان بوجهي انا بورطة ويمكن بنهاية حياتي الزوجيه
انا يمكن ما عندي اسلوب بسرد مشكلتي وهاذي اول موضوع او مشكله اطرحها عندكم
متمنيه انكم ما تبخلون علي بالنصيحه والشور بس الي اتمناه انكم تحطون نفسكم مكاني
قبل اي تعليق اورد لاني تعبت وعانيت الكثيرانا عشت حياتي عند امي بعيده عن ابوي لانهم انفصلو بعد ولادتي وكنت ما اشوف ابوي الا يمكن كل سنتين او ثلاث امي الله يخليها لي ما قصرت معي بشي تقدر عليه ولا زوجه قصر بالرغم من بعض المشاكل الي كنت اوجها المهم يوم كملت التسع طعش سنه خطبني ابو العيال وشفته وشافني وتملكنا وكنت اكلمه بعد العقد كنت فرحانه زي زي اي عروس بعد الزواج بيومين سافرنا وسئلته عن شراب يدين كانن بدرج السيارة انهم لمين وقال هاذي لزوجة اخوي بنت ناس وتربية رجال موب مرة الي مربيته يقصد اني ما تربيت عند ابوي وقلت انا صحيح الي رباني مرة بس ربتني على الدين والخير مع اني ما رفعت صوتي بس هالكلمه الي قلت قام اخذ الحزام وظربني فيه ظرب مبرح حتى وجهي بقع زعلت وتنكدت ولا خلاني اكلم اهلي واذا كلمتهم يوقف فوق راسي لانه عارف ان ابوي مانشد عني انا بسعاده او شقا بدل ما يحن علي صار يستقوي ويشمت فيني صبرت مع اني كنت ساكنه عند اهله كانت خالتي شديدة معي وكان عنده بنات يحرظونه علي ومع ذالك صابرةبعد زواجي بسنه تظايق اني ما حملت وقال بنكشف بنشوف ليه للحين ما حملتي كشفنا وطلعت سليمه وهو عنده ضعف صبرت ولا بيوم جبت له طاري ما حب اجرحه بعد العلاج المكثف له حملت بنتي الله لا يحرمني منها ولا يحرمكم من عيالكم واهله ما يدرون ان المشكله منه يحسبون العيب مني وانا ما ودي اخليه بنقص قدامهم صار عمر بنتي 6 سنوات وسوى عمليه وعالج على حسابه الخاص عشان محد يعرف حتى اهلي مايدرون الا الوالدة الله يخليها لنا وبعد العلاج المكثف قال الدكتور انك ظعيف مره ويمكن زوجتك ماتحمل ما تعرفون وشلون اغلي من داخل بس كنت دايما ادعي الله انه يفرج همي ولا بينتله هالشي بالعكس كنت اواسيه واقوله ان الحمدلله حالنا احسن من غيرنا عندنا بنت مع انه كان ما يراعي مشاعري وعلى كل موقف او مشكله بسيطه يمد ايده بعدين حملت وجبت ولد وتعبت بحملي واكتشفت انه على علاقه مع الشغاله تخيلو شعوري مع انه ملتحي وملتزم والله انصدمت انا والله ما قصرت بشي من حقوقه يوم طحتبهم قال الشيطان لعب علي ووعدني ما يعيدها وسفرنا الشغاله وبعدها طحت بجوال غير جواله العام يوم فتحته لقيت رسايل حب وانا والله ما ذكر بيوم ارسلي رساله او اهداني هديه بالعكس كان مقصر بالمصروف واحيانا قرايبي يعطوني فلوس لي ولبنتي بس يخوني وهو يدعي بالدين ومع كل هالصبر الي صبرته والله قهريوم دقيت على الرقمين طلعت وحده اندنوسيه والثانيه سعوديه يوم واجهته كسر الشريحه قدامي وقال خلاص مالك الا الي يرضيك تخيلو هم حمل وهم رجل كنت مقيدة مدري وش اسوي بعد ما ولدت تولع بالنت بشكل جنوني مايقوم منه الا اذا بغى يصلي او ينام لا سواليف ولا كلام حلو ولا اي شي واذا قلت وراك متغير يقول تخيلي كل يوم تاكلين مشوي تملين لا زم تنوعين مره سلطه ومره عسل ومره مشوي وكنت اشوف المحادثات على الكمبيوتر واقول وين خوفك من الله يقول انا اتعرف عليهم بنية الزواج واشوف من الي تناسبن اكثروقلت وانا وش قصرت معك قال انا رجال ولا يعيبن شي عاجبك حياك الله مو عاجبك الباب يفوت جمل بعدين سمعته يكلم واحد بالجوال كان خاطبله بنت تقربلي من بعيد وعرفت من هي ودقيت على اهله وقلت اني زوجته قالو انه خطب منا ولا بعد ردينا وانه يقول زوجتي ما تجيب وانه عنده حاله هستيريه وما تبي اهلي وانا والله يابنات امه توفت عندي وكنت اعامله مثل امي وبالعكس ماكنت تجلس عند احد الا عندي عاد انا قلت لام البنت اذا تبون تتاكدون اطلبو منه تحليل عشان تتاكدون اذا مني ولا منه وطلبو منه تحليل ورفض وقالو انت بديت معنا بالغش ما تصلحلنا لوك من الاول قلت انه منك ولا عذربت بزوجتك كان يمكن نوافق من بعدها سبحان الله ****ل الحب الي كان له بقلبي وقلت الى هنا وخلاص صار ال هالمشكله 8 شهور وحاسه بحرتها للحين انا ودي بعد الحق على عمري والقى من يعاملني بمايرضي الله وانا ودي بعد بعيال انا توي صغيره محتاجه لاحد يحس فيني ودي بالطلاق خاصتا انه ما اتوقع انه يحبني او يبيني تخيلو قبل شهر قال لويجوز جمعتك انتي واختك ولو تموتين ما يتزوج اختك احد غيري ترضون ازواجكم يقولون كذا بتستمرين مع انسان يتجراء يذكر اختك قدامك والله مليت من العيشه معه بس يوم قلت لامي قالت عيالك بياخذهم عشان يقهرك والحين انا محتاره بين اجلس عشان اعيالي واضيع عمري معه محرومه من اي حقوق او اطلع ببيت انا واعيالي واطلب الطلاق تكفون شورو علي واذا ما عندكم شور لي ادعولي بان يعدل الله اموري

المنقيه @almnkyh
عضوة جديدة
يلزم عليك تسجيل الدخول أولًا لكتابة تعليق.

وين أرضك ياسعاده
•
الله يعينك



مناير999
•
الله يفرج همك وييسر امرك
اصبري واعلمي ان الفرج قريب يالغاليه باذن الله
نحن في زمن الفتن والخيانات والله المستعان
اصبري واعلمي ان الفرج قريب يالغاليه باذن الله
نحن في زمن الفتن والخيانات والله المستعان

الله يعينك بس لا تقولين ظاقت فيني الدنيا وتسددت كل البيبان بوجهي
عندك ربك الكريم الرحمن الرحيم اللي لو اقبلتي عليه بالدعاء ماسكر الباب بوجهك حبيبتي وضع الطلاق حاولي تخلينه اخر الحلول عندك عيشي معه علشان عيالك لا تفتشين وراه انسيه خلاص لا تحتكين فيه كثير حتى لو تزوج عليك خلاص حاولي انك تعيشي بالدنياء لنفسك اول شي ولعيالك. واهتمي بنفسك وبصحه عيالك خلي زوجك اخر اهتمامك لا تتعبين وراه وانتي مارجيتي منه انه يتعدل. وفي كل وقت استغفري واخر الليل ادعي ربك انه يصلح حالك ويختارلك مافيه صالح لك وكل ما قالك كلمه جارحه لا تنسين تردددين طول اليوم( حسبي الله ونعم الوكيل)> لا تنسين في كل وقت يعني ربك هو اللي بياخذ حقك من زوجك وراح يبدل حياتك للافضل
الله يفرج همك ويعينك ويسخر زوجك
عندك ربك الكريم الرحمن الرحيم اللي لو اقبلتي عليه بالدعاء ماسكر الباب بوجهك حبيبتي وضع الطلاق حاولي تخلينه اخر الحلول عندك عيشي معه علشان عيالك لا تفتشين وراه انسيه خلاص لا تحتكين فيه كثير حتى لو تزوج عليك خلاص حاولي انك تعيشي بالدنياء لنفسك اول شي ولعيالك. واهتمي بنفسك وبصحه عيالك خلي زوجك اخر اهتمامك لا تتعبين وراه وانتي مارجيتي منه انه يتعدل. وفي كل وقت استغفري واخر الليل ادعي ربك انه يصلح حالك ويختارلك مافيه صالح لك وكل ما قالك كلمه جارحه لا تنسين تردددين طول اليوم( حسبي الله ونعم الوكيل)> لا تنسين في كل وقت يعني ربك هو اللي بياخذ حقك من زوجك وراح يبدل حياتك للافضل
الله يفرج همك ويعينك ويسخر زوجك
الصفحة الأخيرة