زوجي ودراسة العيال بيجيب لي جلطه

مساء الخيرات

بنات زوجي جاب لي العله
يحب التعليم بزياده بشكل مبالغ فيه 
عندي ولد وبنت يدرسون البنت ثالث  ابتدائي والولد متوسط 
كلهم ممتازين الف من ذكره ..بس مو عاجبينه 
يعني مثلا ..
يقول لازم يتطور بالانجليزي  لازم يبحثون بالنت عن كلمات جديده 
مو يعتمدون على دراسة المدرسه 
لانها تعطيهم اشياء سهله 
وصارو عيالي يقرون قصص من النت انجليزي ويدورون كلمات جديده ماخذوها ..وماشاءالله عليهم تعرفون الاطفال مخهم نظيف يستوعب 
بس تعبنا ...حتى بالاجازه الطويله يقول خليهم يراجعون دروسهم 
عالاقل الرياضيات وخليهم يستمرو بالبحث بالنت عن كلمات جديده
وقالي خلينا ندخلهم معاهد بالاجازه ..مارضيت  لان المعاهد التزام  وانا مابغا اجلس بالبيت عشانهم لازم اروح لاهلي بالاجازه ولارحت لاهلي لازم انام لانهم ساكنبن بعيد عني مابي شي يمنعني منهم ماعندي الاالاجازه اروح واجي على كيفي ..قال طيب بكيفك بس خليهم لايتركون الانحليزي ..
بس قرفت قرفت منه ومن  زنه ع الدراسه كرهته وربي ..الحين قال بنشتري لكل واحد لابتوب  بس خليهم يتعلمون مو كله نت 
قلت له وش يتعلمون  قال الوورد ومادري وش  ااااااااه ياحياة الشقى 
وتخيلو  يبغا باي لحظه يمسك اي كتاب يسألهم عن اي شي بدراستهم سواء علوم او رياضيات او غيره وياويل الي مايجاوب طيب لازم الواحد ينسى ..
خصوصا اشيا من اول الكتاب ليش يحفظونها ..خلاص ماراح يحتاجونها الا بالاختبارات....وياويل الي مايجاوب ...  وماشاءالله تبارك الله درجاتهم كامله لاقوة الا بالله اختباراتهم كلها ممتازه  ان نقصو درجه ولا نص ويحضرون دروسهم خلاص وش يبغا منا 
شوفو لي حل الله يرضى عليكم بنات قبل انفجر وافجر البيت على راسه 
وارمي له الحمل الي شايلته  على راسه ..هذي مشكلتي معه بس حمدلله مايععيبه شي طيب كريم خلوق رومانسي يسفرنا  وكل شي زين بس هذي مشكلته....
تكفووووون الله يسخر لكم ازواجكم ويهدي اولادكم ويرزقكم من واسع فضله عطوني حلوول..