زوجي ودوامه وصديقه تعبت منهم

اخواتي ابدخل بالموضوع على طول انا متزوجة لي سنة ونص وعندي ولد الحمد الله مشكلتي انا ادرس سنة
ثانية جامعة اجي للبيت الساعة ثنتين مشكلتي زوجي دوامه من ست الصبح الا ست المغرب والله تعبت واذا جاء نام ساعتين وقام جلس عالتلفزيون حتى مايبيني اكلمه وهو يتفرج واقوله يابن الحلال سولف معي يقول هذا حنا جالسين مع بعض امحق جلسة ويجلس عليه الين وقت النوم ثم ينام وخميس وجمعة يطلع مع صديقة ذا النشبه والله اني ماجلس معاه زين فيه ناس يقولون احسن كذا دوامه عشان دراستك بس انا اجي من الجامعة تعبانة منها احتاج اسولف مع احد واشكي لاحد حتى بالاجازات مااتهنى دوام في دوام مع انه كريم ويبيني اكمل دراستي بس انا تعبت ابي احس اني متزوجة بالله وش رايكم وفيه احد مثلي واذا كلمته قال ليه مانصيرين مثل حريم اخواني ساكتات مايتكلمون واخواني يطلعون على كيفهم وانتي انانية وانا رجال اسوي اللي ابي