زوجي وذهبي

الْسَلآإمّ عَلْيّكَمُ وٍرٍحَمُةٌ اللَّـَـَـَـْـْہ وبُرٍكآإتَهّ 🌹
ياحريم زوجي اخذ ذهبي مني بالقوة وبالمضاربة كمان.. كان عند اهلي و زوجي فجأة صار يسأل عن الذهب فينه وليش ماتلبسيه قلتله بلبسه بس هوا مايدري مايشوفني وارجعه ثاني يوم بعد المناسبه لاهلي.. سوالي مشاكل ومشاكل مع اهلي الا يبغاني اخد الذهب منهم واتهمهم بالاهمال وانهم مضيعينه واشتكي لامه كمان..اهلي شكو في نيته قالو اكيد يبغي يبيعه ليش مصر ياخده..واخذته على بالي بيخليه عندنا في بيتنا الا هوا اخده مره وما ادري فين حطه .. وكل مره اقوله فين الذهب جيبه ليا يصرفني ويقول طيب.. ويقول الذهب حقي بفلوسي!! اسألكم باالله عمر الهدية تسترجع!!
مقهورة منه مرره قبل كدا اخد فلوسي حقت حافز وضحك عليا وقالي ماتاخدي منه ولا ريال ودحين اخد ذهبي وحارمني منه وقلتله شرعا دا ملكي وانا ليا حرية التصرف فيه مالو حق يتحكم فيه
ايش اسوي معاه فلوسي حقت حافز اخدها واهلي وقفوه عند اهلي بعدها ماسار يمد يده على فلوسي ودحين الذهب ليا كم سنة ساكته واكلمه يرجعلي الذهب مو راضي سألته ازا باعه قال مستحيل يبيعه وانا ما اصدقه لانه يكذب احيانا..
ايش اسوي معاه كيف اخليه يرجعلي الذهب او اخده منه والله فكرت نروح للمحكمه واخلي القاضي يحكم بيننا ..
اصلا هوا مقصر في حقوقي حاجتين مستحيل اسكت عليهم فلوسي وذهبي