عزيزتي هذي مشكلة معظم الموظفات بس انصحك انك ماتتركين وظيفتك
لانه هيا الشي الوحيد الي تعطيكي ماتاخذ منك
وزوجك فهميه مسؤلياته ولا تفكري تصرف
اي شي على عياله دامه مقتدر هو اولى فيهم
واذا هو ما يصرف شي وين يودي فلوسه

الله يسخره لك هو وش له براتبك

عزيزتي أنا نفس مشكلتك تقريبا... وكنا دايم مشاكل عشان هذا الموضوع

وفي قرارة نفسي إنه الزوجة لازم تساعد زوجها على مصاريف الحياة خصوصا مع الغلاء هذي الأيام
لكن اللي يقهرني... إنه مايشوف المصاريف اللي يصرفها هو ... مثل فواتير جوالاته مثلا بس إذا أنا طلبت شي للبيت أو للعيال يبدأ يتضايق ويقول مصاريف مالها داعي ...كيف الواحد يجمع عشان البيت الملك ومن هذا الكلام

ففكرت بحلول عملية على قولتك
وآخر حل توصلت له وبدأت بتطبيقه ...وإلى الآن مرتاحة نسبيا

هو إني بحثت عن مواضيع عن ميزانية البيت
ووضعت ميزانية شهرية تناسبنا
بحيث إني قسمت دخله إلى أقسام أساسية
مثلا:

35% من الدخل للايجار او قرض شراء المنزل
15% للنقليات مثلا السيارة و مصاريفها - بنزين وزيوت وصيانة
25% اخرى للاكل وشراء المستلزمات الضرورية للمنزل وللملابس......الخ
15% لتسديد الديون ...الخ
10% للتوفير

وطلبت منه إنه يكون الجزء الخاص بمصروف البيت من ضروريات وكماليات معاي
بحيث إنه كل ما اشترينا شي أعطيه من هذا المبلغ وفي نفس الوقت يكون معاي بحيث أنا أتحكم فيه وأوازن المصاريف

صراحة لنا شهر واحد بس مطبقينه
بس أحس إني ارتحت كثير من إني أطلبه كل شوي
حتى هو يصير يدفع المبلغ مرة وحدة فما يحس بعدين إنه كل يوم او يومين دافع

طبعا ما أخفيك إنه أكيد بيصير قصور ... وأحتاج أن إني أغطيه بمبلغ من عندي
بس في قرارة نفسي راضية لأني خلاص...أخذت مصروفي منه...والأشياء الزايدة مو مشكلة أنا بدفعها

نفس الراي

ضيقتي صدري شكلي ببطل اتوظف
اخاف يتغير علي ما يعطيني فلوس

شوفي انتي طيب بيني له ان البنات مسؤوليته يجيب لهم الاساسيات وانتي كملي
مثلا انتي اشتري اي شي في البيت عشان يحس انك مو بخيله
الله يسخره لك يارب