زوجي وراتبي

السلام عليكم ورحمة الله وبركاته
تعبت من التفكير بخصوص راتبي مع زوجي..
انا توظفت ليا سنه. فراتبي اعلى من راتب زوجي بعد ماينسحب منه القرض،،
زوجي عليه مصاريف البيت زي زمان كاني ماني متوظفه ومصروفي كل شهر يديني هو وعادي نص الشهر يتسلف من اي احد..
المشكله بدات معايا في الاجازه نبغ نتمشى يقول حاليا ماعندي فلوس خليه لما ينزل الراتب ،فضطر اقوله خلاص من فلوسي نتمشى،نبغ نطلب من المطعم يقول ماعندي فلوس بعض الاحيان أغصب نفسي واقوم أطبخ وبعض الاحيان يكون ع حسابي،،وبعض الاحيان اقول كل واحد يدفع لطلبه ويكون متحمس ع الاكل ويطلب لما اقول ي الله جيبو فلوسكم بناتي يروحو يجيبو واذا فلوسهم ناقصه يتسلفو مني او من بعض هو ع طول يقول خلاص ماابغ اطلب اهم شي مايدفع مرتين طلبت له ع حسابي وحسيت انه مسخها بطلبات فمره قال ماعندي فقلت له ترى بطلب هات الفلوس ولا مالك اكل قال عادي ماابغ..ولما طلبنا جا جلس ع السفره اتوقع اني طلبت له قلت له مطلبنالك انت مااديتنا فلوس ،،قال عادي انقنق معاكم واكل اكل بناتي وعصبو عليه بناتي ليه مطلبت خلصت اكلنا هنا سوى نفسه زعل وراح غرفة النوم وسوى نفسه بينام... وزمان لما نروح المطاعم او كفيهات بعض الاحيان ينزل وبعض الاحيان لا وهو اللي يديني مصروف للبنات عشان ينبسطو،،دحين لازم ينزل معانا عشان اعزمه ع حسابي اذا كافيه او مطعم عشان عارف اني ماراح اطلبه قدام الناس،،وتناقشت معاه بهدا الموضوع وقولت له ثاني مررره ياتدفع لنفسك يامتنزل معانا قالي مراح انزل اوصلكم واشوف اي شغله او ارجع البيت،،،ولا كاني اتناقشت معاه وصلنا ونزل وحلفت اني ماادفع له وفعلا طلبت ليا ولبنتي وماطلبت له ،فسكت في البدايه بعدين قال فين طلبي قلت له اعتقد انت موظف عندك راتب اذا تبغ ادفع لنفسك،سوى نفسه زعلان ولا طلب سار ياكل ويشرب مع بنته،، ومره ثانيه سويتها كنا انا وياه طلبت لنفسي وماطلبت له قولت له المفروض انت تعزمني ع حسابك بس شكلك تبغاه كل واحد يدفع لنفسه في البدايه قال ماابغ بعدين كان بيشرب من عندي قلت له اشتريلك انا ماجيت هنا عشان نتقاسم المشروب فقام وطلب لنفسه ودلعها فقلت اهو قدرت تدفع دحين قالي ادفع بمزاجي،
انا حاليا بجمع فلوس عشان بشتري سياره وهو يقنعني حرام اشتري سياره غاليه وانا مو مررره متقنه السواقه،،فقوله ماابغ فلوسي تروح بالايجار فيقولي الايجار رخيص ع حسابي بس الى الان مااستاجر ليا يقولي ع الراتب حسيت يبغاني اقوله ع حسابي انا استاجر،وتروح فلوسي ع الايجارات(اقصد سيارة استاجرها)طالما انها رخيصه ليه يماطل،،
وقبل فتره استلف ٣٠٠٠ريال وقلي اول مايجي الراتب اديك هيا وقبل ماينزل الراتب قام قلي انا ماعندي مقدره اسدد الدين لك اصبري عليا ولما اتخاصمت معاه قلي خلاص كل شهر اديك ٥٠٠ريال ولما مررره عصبت قلي خلاص هدا الشهر الف والراتب الجاي الفين وافقت،، اللي صار كل شهر يديني الف اخلف وعده واداني هيا ع ٣شهور،،وهذي الاجازه ماسافرنا بحجت ماعندي فلوس وانت ماتساعديني قلت له اعتبرني ماتوظفت وزمان كنا نسافر كنت تسلف يقولي دحين صعبه اتسلف منهم وانت موظفه،،
ودحين ع الحج حجزت ع مصر انا واثنين من بناتي ع حسابي والبقيه خليتهم عنده وكل يوم جالس ليا بموال ليا ميسافرو معاك حرام تفرقي بينهم وطبعا الكلام قدامهم اقوله انا وبناتي متفقين واذا حزنان ع وضعهم ادفعلهم بالعكس انت اللي حارمهم من السفر بسبب بخلك يقول انا ماعندي فلوس،،وامس يقولي ايش رايك كلنا نسافر مع بعض وع حسابك وحمس بناتي وصارو بناتي اللي مراح يسافرو يقنعوني انه كلنا نسافر مع بعض قولت لهم لما تسيرو ايتام انا اسفركم بفلوسي،، ابوكم ليه مايديكم فلوس,
المهم زعل وصارت مشكله فدحين قررت انه بعد السفر لازم اشوف حل،،ايام الدوام مافي اي مشاكل وبيصرف وع قلبه زي العسل بس من اول مابدات الاجازه اتغير مرره..
فقلت اسالكم اشوف ايش الحلول ،،لاني حاطه ببالي اذا ماتعدل بطلق اهم شي راحتي وماليا خلق بمشاكل المصروف،،،