زوجي وزعله على اشياء تافه

مساء الخيير
للاسف كتبت موضوع طويل وشرحت كل شي بس طار الموضوع
وبرجع اختصر
بنات وربي طفشت من زوجي طفشت من حياتي معاه ودي اتركه شهر شهرين ثلاثه لين يحس بقيمتي
بس شايله هم كلام الناس
انا مدري هو غلط ولا انا تعاملي معه غلط
اول شي سهره مستمر برا وكل ماكلمته يقول شايفتني كبير فالسن ارجع بدري يعني مستحيل رجعوه قبل الساعه 2 ونص يوم الخميس والجمعه يكون حريص انه يطلعنا يمشينا عشان يقول الجمعه لي لاتكلميني مره ويطلع يسهر ع كيفه ويكون مروق من الظهر بس اليوم اللي يطلعنا فيه بارد ولا يسولف ماغير ماسك ذا الجوال

يعني تعبت من الجوال والسهر يجلس ع الجوال بالساعات ولايسولف ولاشي
ولو اقول كلمه يعصب
وميت ع الشباب وجلاستهم اما انا لا ولا يفكر يسولف ولا يجلس معنا
السهر كان بس خميس وجمعه الحين حتى ايام الاسبوع احيانا
ماكان كذا كان بيتوتي بس انقلب مره
وزعله ومشاكله التافهه على كل شي
قبل ثلاث ايام طلع مشوار وع اساس يجيب عشاء لاني تعبانه ونتعشى
جاء جايب عشاء كثييييير وهو متعشي برا وانا اكره الاسراف ولا احب اكب النعمه ومستحيل ناكله كله بان علي اني زعلت بنرفزه قلت له كان جبت شوي ولا تعشيت معنا ولا لازم تشيل فلان وتعشون برا قام عصب ويخاصم انا مابغى اتعشى معاك وكل شوي تنكدين علي المهم كبرت السالفه بسبه ذا العشاء وقالي لسانك يبغاله قص قلت تحداك وش انا قايله رفع ضغطي ع كل شي يخاصم ومن بعدها مطنشني وانا مطنشته ولا نتكلم المشكله يبغى اكوي ملابسه واسوي اكله يعني وقت الزعل يتشدد معي مره يدور الزله علي
وانا تعبانه من البارح ولاسالني وش فيك ويوم المشكله جلست ابكي قدامه ولا همه
واليوم العصر الوالده عندها ضيوف وتبغى زوجي يجيب لها اغراض وارسلت اي اكلمه
كلمته وانا مابغى اكلمه وراح جاب الاغراض لامي
كنت بقول لامي اننا متخاصمين بس خفت تكبر السالفه وش رايكم كيف اتعامل معاه
للعلم دايم اسلوبه كذا قاسي معي