زوجي وزميلته بالشغل

اهلين بنات حواء :)

انا من متابعي عالم حواء بس وجهتي كانت دايم المطبخ و الأطباق و قسم الحمل و الولادة

قريت مرة بالصدفة مشكلة هنا و تأثرت كثير وتفتحت عيوني على أشياء كنت غافلة عنها و الي عجبني أكثر روح البنات اللي كتبو تجاربهم المريرة عشان يفيدو و يخدمو غيرهم

المهم قررت إني أقول لكم قصتي يمكن أنها تفيد أحد هنا

وعشان تنبهكم لسواليف النساااااااااء و مكرهم

زوجي يعمل بشركة فيها اختلاط و جاته فترة كان يتكلم عن موظفة جديدة معهم

هم كلهم شباب وهي كانت البنت الوحيدة
هو كان يقول لي انها مسكينة و يتيمة و ذايقة الويل من عمها و أخوانها الكبار

انا استغربت قلت ليه هي دايم تشتكي و تتكلم عن حياتها معكم عادي في الشغل يقول هي ساعات تبكي من الضيقة و تفضفض لهم.

انا صراحة ماجا في بالي شي لأن زوجي محترم و ماله في هالسوالف

لكن بعد فترة حسيت انه يتكلم عنها كثير يوميا لازم يجيب طاريها سوت كذا وقالت كذا وهي كذا

المصيبة والأدهى بعد ذلك صارت تطلب من زوجي انه يخلص لها بعض الأمور
مراجعة هنا, ورقة هنا؟؟؟

بعدين تقوله أهلها صاااااااااااااااااكين عليهااااااا مرة ماتقدر تروح السوق تشتري الي تبيه
فتقول لزوجي اعطيك فلوس و تشتري هالأغراض و زوجي الشهم يجيب لها الأغراض طبعا ببلاش عيب ياخذ من حرمة

وكان دايما يجي من الشغل و يقول فلانة تسلم عليكي و فلانة تسلم عليكي وهي حابة تتعرف عليك و تكونون أصدقاء:22:

ولمن ولدت اتصلت كلمتني و أرسلت لي مع زوجي هدايا فخمة صراحة أنا انحرجت منها وقلت يمكن البنت مسكينة فعلا و تبي تشكرني على مواقف زوجي النبيلة معها:icon28:

ولمن سوا زوجي حادث بسيارته و ظلت في الورشة عرضت عليه أنه ياخذ سيارتها لأنها عندها سيارة بسواق خاصة فيها و هي تقدر تدبر نفسها بسيارة البيت

قلت لزوجي مو هي يتيمة و مسكينة و ماتطلع و تطلب منك تشتري أغراض ماعندها أحد طيب ليه ما تطلب من سواقها يشتري لها:angry2:
وبعدين ليش تعطيك سيارتها وش الميانة الزايدة هذي؟؟؟؟؟؟:30::30:

أذن الظهر بروح أصلي و اكمل بعدين