هلا عزيزتي..

شوفي نفرض مثلا حاطه عينها عليه او مياله له هذا فرضا طبعا ..
وهو مو معطيها وجه او حتى لسه مالمحت له ..

وانتي تجين وتكلميها ...

وربي بتنبسط ...

لانه بتقول اكيد انتي منكده على زوجك كله غيره وشك ..

واكيد هو مهموم ومومرتاح بحياته ..

فهي راح تدخل له بذا المدخل ..

لانه عارفه انه انتي مسويه في البيت قلق ..

وانه مو واثقه من نفسك ..

عشان كذا دقيتي عليها ...

عشان كذا اقول لك اصلا مافي شي يستاهل ..

لانه زوجك صريح معك ..

ومخليك على راحتك ..

وياخذ ويعطي معك بالموضوع ..

يعني اذا جبتي طاري ذا الموضوع مايتهرب او يسكتك ..

عشان كذا انتي طنشي ولا تعطين الموضوع اهتمام ..

وبيروح مع الوقت ..

والله يهنيكم ..

أنا أشوف من وجهة نظري انها لو زودتها معاه راح تفتح عيونه اذا كانت مقفله فلأفضل تناسي الموضوع من اصله ولاترجع تفتح الموضوع ثاني .

بسم الله الرحمن الرحيم

أختى الغالية بارك الله فيكِ .. معظم النار من مستصغر الشرر


أنصحك بألا تتركى البنزين جنب النار<<مثل مصرى

حاولى تفهميه بأسلوب هادئ وكلمات لينة لكن حازمة فى نفس الوقت أن هذا يضايقك
وأنه كما تفضلت الأخوات لا داعى للمكالمات على الجوال وبالذات بعد أوقات العمل

وكونى دائمة اللجوء إلى الله تعالى والدعاء فى كل وقت وحين بأن يحفظ لكِ زوجك وأسرتك ويهدى سركم
الله يبعد عنكم وعنا شياطين الجن والأنس . ..

معذورة حبيبتي انك تغارين عليه
انا اموت غيره على زوجي ,,,, اليوم دق على المستشفى ياخذلي موعد لحملي ويكلم وحده
دوري علي قاعده جنبه واحس اني بموت ,, وحتى وجه لوجه بالرسبشن ودي ادخل بعينها
وهي عادي تكلمه بكل جرأه وعينها في عينه

انا من رأي انك تطلبي منه انه يراعي شعورك ولايكلمها بعد الدوام
يعني اذا دقت مايرد عليها واذا شافها اليوم اللي بعده يسألها وش تبي
كذه عن طريقه هو يحسسها ان لكل شئ حدود ولا تفكر او يعطيها مجال انها تتمادى
وطبعا تقولين انتي واثقة فيه لكن مش واثقة فيها المتحررة اللي زوجها ماعنده كرامه

شوفي حبيبتي زميلته متزوجة يعني ما في خوف..وبعدين أنا أشتغل وعندي زملاء أكلمهم أي وقت وأشاورهم بأمور وايد وزوجاتهم جنبهم وأقوله عطني فلانة يعني زوجته أسلم عليها وفعلا وأكلمها وصارو صديقاتي ويقولون مادام أنا كويتية معاك بالدوام أحنا مطمئنين وصارو زوجاتهم يزوروني وهم يتصلون علي... حبيبتي أهدي وتعودي من ابليس زوجك زين ويحبك والزميلة ترى غالبا مثل الأخت يجلس معاها بالدوام أكثر من البيت فبالتالي تصير مثل الرجل عنده صدقيني ...في شغلنا وهو اختلاط ماقد صارت علاقة حب لأن الكل مشغول محد فاضي لأحد
وزوجك لو له نيه شينة كان مسح الأرقام ...ويختي ايش هدي المكالمة اللي مدتها دقيقة انا أقولك( مسا الخير بوفلان أسفة على ازعاجك ...مسا النور مافي ازعاج خير...لا مافي بس بقيت اسألك عن الأوراق الفلانية خلصتها؟؟ اي بس باقي شوي... أوكي آخدها منك بكرة...انشالله...مع السلامة مع السلامة) خلصت الدقيقة ولاشرايك؟؟
أو ( الأجتماع بكرة الساعة كم والله اني نسيت؟؟؟) أو غيرها
ياحبيبتي طمني بالك الحب والغرام يحتاج ساعات من المكالمات
ورأي ادا كلمها كلميها معاه بنفس طيبة ورحبي فيها علشان لو بنيتها نية شينة...لو..تعرف ان زوجك يكلمها بمعرفتك وانه كل شي يقولك فتخاف بس لا تعزمينها في بيتك....ولاتمنعينه يكلمهالأن أولا كل ممنوع مرغوب ثانيا لا يتعلم الرجال يمسح الأرقام بعدين ماتدرين وين الله حاطك
الله يهديكي انشالله ويطمن قلبك