زوجي وزميلته في العمل .. النجده

بنات الله يسعدكم علموني انا صح او غلطانه ..
انا زوجي يشتغل في مستشفى وفي زميلته في القسم الي يشتغل فيه كل شوي تطلب منه طلابات وعرفته على امها وعلى خواتها وكل ما واجهت مشكله في شغلها تكلم زوجي وزوجي ما يقصر يسعى لها .. زوجي يحكيني كل شي .. وانها تحبني وتحترمني وتدعيلنا .. انا كل هل الاشياء ومطنشه وكذا مره تكلمه على جواله كل مكالمه بحجه وترسله مسجات شكر .. هوا يحلف ويقسم انه مافي شي زوجي في الابعينات من العمر وهي يمكن 28 سنه .. المهم بينت لزوجي كذا مره انها زودتها شوي يقولي جهل منها .. ومافي شي ..

انا تحملت بس امس اتصلت على الساعه ثمانيه بالليل وقعدت تشكيله من وحده زميلتها سارت بينهم مشاده .. طبعا انا وصلت معي وشبت مشكله بينا وصياح ولميت ملابسي وبروح بيت اهلي وحلف علي بالطلاق اذا طلعت وما طلعت وفي النهايه تعوذنا من ابليس وتصالحنا .. انا صحيت وفيني شر وارسلت للبنت رساله انو تنتبه على تصرفاتها وتبعد عن زوجي البنت جاتني في العمل واعتذرت وقالت انه حسبه ابوها وانها بنت ناس وبكت شوي وقالت انوا انا فاهمتها غلط واني انا متحسسه قلت لها حطي نفسك مكاني ترضين اذا تزوجتي وحده تكلم زوجك في البيت وفي الليل وتراسله قالت اوعدك ما عاد اكلمه ولا ارضى اني اسبب مشكله بين زوجين وانو اهلها لو يعرفوا بالشي هذا مره كبير .. تخيلوا مره زوجي قالي انها خلته يكلم صيانه السيارات عشان تصليح سيارتهم ..
بنات انا ما ظلمتها بس هي مصختها .. يعني اعرف الزماله تكون في حدود العمل موب تكلمه برا الدوام وطلابات ما تنتهي ..
المهم زوجي اليوم ماراح الدوام جسمه كله يعوره من صراخ امس ..

هل اقوله الي عملته مع البنت واني كلمتها او اسكت على الموضوع .. والله خايفه من رده فعله ..
هي لو فيها خير تبعد من غير ما تعمل فيلم هندي ..
دافعت عن بيتي وزوجي حتى لو مافي شي بينهم بس زياده الاهتمام وانها كل شوي حوله تستشيره في كل شي مزعج ولا يحمد عقباهه .. وبعدين ابوها عندها في البيت وش محتسبته زوجي مثل ابوها .. بنات هل الوقت تكلم الرجال وتقول عادي مافي شي تقعد تلهيه وتقول مافي نيتي شي ,, وتولي انا بنت ناس ومربايه .. ونعم التربيه زوجي قيد قالي انها تتكلم مع زميلها الثاني في العمل الين ما سارت بينه وبين زوجته مشكله ..

الله يستر يا بنات .. قول لزوجي الي سويته او اسكت واخلي الامور تمشي طبيعي ..

بليز ردو على لا تطلعون من خير ما تقولون لي انا غلطانه وش اعمل ..

شورو علي ,, اعلم زوجي او خلاص اسكر على الموضوع ..