زوجي وزوج اختي ..

السلام عليكم
عندي اختي الكبيره احبها مررره وعلاقتي فيهااا مررره ممتازه وحنونه وحبوبه وتمووووت بأطفالي كنهم اطفالها ماشاءالله
وزوجها عمره ٣٨ وهي بعد نفس عمر زوجها اصغر منه بشهر ..
وعندهم اطفال خمسه ماشااءالله ..
من تزوجت زوجها وهي بعذاب عاطل باطل مايحب العمل فصل من وظيفته من بعد مانزوجها وجابت اثنين وكانت حامل بالثالث
وحاولوا امي واخوي يطلقونهااا منه وعجزو يقنعونهااا ..
وخلفت طفلها الثالث وهي شبه مشتته مره عندنا ومره عند اهل زوجها مالها بيت .. وحفايظ ولدها وحليبه يجيها بالعافيه من اخوان زوجها ..
اخوان زوجها كلللللهم ضباط ومدرسين وظايفهم عاليه ومحافظين عليها الا هو ترك وظيفته يقول ماعندي استطاعه .وعليه ديون من كثر مايتسلف ولا يسدد .. حاليآ له فوق ١٥ سنه وهو عاطل .
هو ولد عمنا ..
وانا متزوجه من خارج القبيله .. الحمدلله رجل مقتدر ماديآ ووضعه ممتاز بس اكيد عليه ضغوطات وشقى وتعب عشان يبني نفسه ..حتى اوبر اشتغل فيها
المشكله وين ..
المشكله اني فتحت جوال زوجي واشوف اسم زوج اختي بأول المحادثات انصدمت وربي
لقيت زوجي اختي يشحذه شحااااااذه يحول له مبلغ واعتذر زوجي منه ان مامعه وكذا
وبعدها بشهر رجع يطلبه ويمدح زوجي ويقول تكفى تكفى حول لي علي ايجار الشقه اربع الاف ويجلس يعدد له ديونه
ووافق زوجي وحول له مبلغ معين ورسل له الوصل ويرجع يقول لزوجي زيدهااا بعد زودهاااا لنا تكفى تكفى ي بو فلان
ي بنات حرفيآ وجهي كان احد ضاربني كف متفشله من زوجي ..
اخواني يقدرون زوجي وكرم وحالتهم حاله اذا جاء لانه من بعيد وهو بعد زوجي يستقبل اخواني كانهم بزواج مرررره العلاقه بينهم كذا ..
وهذا طلع لي يشحذ فشششلني .. حتى اخوانه مايثقون فيه مايعطونه لانه مايسدد
وامه قالت لامي اخوانه عجزو عنه مايصرفون عليه .. لان امي عجزت تطلق اختي منه وقالت لامه خلي اخوانه يسعدونه بوظيفه ولا بشي حاليآ قالت امه ماهم ملزومين منه


وربي تفشلت انا وش جاب له فكرت يشحذ زوجي .. نفسي اقول لاختي بس اخاف تزعل علي وعلاقتي فيها ممتازه
وش رايكم اقولها ولا لا .. لان حتى هي مستحيل ترضى زوجها يطلب زوجي