زوجي وسفراته واصدقاء السوء

اخواتي انا عمري ماتوقعت اني ممكن اكتب مشكلتي
دايمن كاتمة اهاتي في قلبي الين حسيت اني صرت كتله اوجاع ماشيه مو انسانه .
بدخلكم في السالفه علطول

عمري 33 سنة ام لثلاث بنات
المشكله تكمن في زوجي واصدقاء السوء
هو حنون وطيب وكريم جدا بشهادة الكل واولهم اهلي . لكن لو جا في باله انه يسافر ينسى كل شي . ينسى انه اب . ينسى انه زوج . مايعرف غير شي واحد بس .. (( السفر )) وماهمه ولا احد ولافكر فينا

سفرياته بدأت بعد زواجنا بسنتين تقريبا . اول سفرة له قال لي انه طالع مع مديره في العمل طبعا يتمشو ومديرو هذا انسان كبير والمفترض معروف باخلاقو الحسنه مع الكل . وبعدين اكتشفت انه طلع مع اصحابو ومديرو مو معاهم .. دي اول كذبه .

المرة التانيه .. قالي بيطلع عند اخته هي عايشه في دوله عربيه .. بيسوي لها بعض الاوراق واكتشفت انو اصحابو معاه ..

ثالث سفره كنت انا معه .. كانت سفره سيئه .. اتذكر اني بكيت فيها كم مرا من انه يتركني ويخرج يتمشا مع اصحابو .. ويقولي ولد عم فلان ولا خوي فلان .. المهم انو كانت سفريه منيله واتمنيت اني ماطلعتها ..

رابع سفريه قالي رايح ** علشان الدوري وهو مغرم في الكورة والمباريات وعلا نياتي صدقته .. واتفاجأت من زوجه صاحبو اللي مسافر معاه انهم راحو ****
وتتوالى الصدمات

طبعا انا احبه وحياتنا مستقره الا لو جا طاري السفر .. هنا تنقلب حياتنا فوق تحت
وبالرغم اني كنت عايشه عند اهلي وكنت مرتاحه لاني ماكنت ابغا اترك والدتي لحالها الا اني قررت انه ياخذلي شقه لحالي ويتحمل مسؤليتنا كعيله خاثه انو عندي 3 بنات . المهم
زوجي انسان يشرب ويحشش لمن يسافر .. وبصراحه بديت اشك فيه لانو في وحده من سفراته لمن رجع لقيت معاه حبوب .. حبوب منشطة ..

ولمن قريت عنها في الانترنت لقيتها مصنفه تحت مسمى المخدرات (( ترومادول ))) وفي نفس الوقت يستخدموها الشباب لإطاله مدة الجماع وتأخير القذف ..

وبدأ شكي
والين اليوم ماصدت عليه ولاشي .. بس قلبي ناغزني ..
المهم هو دحين مقرر يسافر هو واصحاب السوء ومصمم اني اترك البيت واروح عند اهلي فترة غيابه وانا رافضه تماما ...
وقلت له ..من حقي افلها مع صحباتي زي ما انت فاللها مع اصحابك
وراح اطلع واتمشا واروح واجي واروح كباين وانت سافر مع اصحابك ..

بنات احس تصرفي كدا صح


بس قلبي موجوع لاني عارفه انو الحشيش والشراب والحبوب بيضيعو عقله في السفر وخايفه يخونني
ولو خانني ماراح اجلس معاه ..