الله يسعدكم ويوفقكم والله انا محتاجة لأرى حكيمة
لاني احس اني ضايعة من دون مشوره
حتى اني كلمت مستشار ولاعطاني حل قالي خلين افكر بالموضوع
وحسيت اني بموقف صعب
والي تقول تستاهلين الله يجزاك خير
انا اعرف زوجات هي الي ادفعت زوجها لحب البلدان الاجنبية
كان يسفرها واذا ارجعو يروح هو يسافر لحاله لنفس الدولة علشان ياخذ راحته
وزوجي الحمدلله محافظ على الصلاة ويخاف من الله انا واثقة منه
بس قهرني بسفرته لحاله ودايم يتحجج بالمادة والميزانية
وانه ماتكلف هذي المرة كثير يقول يفرق لو انتي معي مصاريف كثيرة
ويقولي مايصلح العيال يطلعون معنا لو طلعنا لانه هناك فيه اشياء ومناظر ماتصلح للاولاد

وزوجي عنيد درجة اولى لو ازود بالزعل او العناد كان عاندني واول اجازة قريبه سافر ثانية علشان يأدبني
الله يصلح حالي وحالكم .

تعوذي من الشيطان ولاتخليه يخرب حياتكم ودائما استودعي الله زوجك سمعه وبصره وقلبه وفرجه وجميع جوارحه الله يفرج همك ويجعلك اجمل النساء في عينه وقلبه

اجرح وداوي ياليت تداويني
اصلا زوجي والله الحمد مب راعي سفريات والحمد لله يعرض عليه الحرام ويبعد عنه فديته
والحمدلله حنا نسافر بالسنه كذا مرة لاكن بالسعودية مانطلع برى
وترى الناس يختلفون اصابعك مب سوى انا كذا اغير على زوجي ولا ابي تجي مني السفرة للخارج
بس لو قالي بنسافر للخارج كان رحبت بالفكرة ورحبت وفرحت
زوجي يحب الكشتات والبر ليش انا افتح عيونه
يمكن غيري عادي عندها البنات الغربيات يروحن ويجن قدام زوجها وعادي عندها ماتغير لانها تعودت
وعارفة ان زوجها يسافر من دونها ويشوف بلاوي انا الان خلاص صار عادي عندي اروح لاي دولة
وخفت عندي الغيرة لاني عارفة ان زوجي راح وشاف كل شي وانا الي جلست فصار الموضوع عندي
عادي وهذا مب نص مشكلتي ياليت ماتبعدون عن المشكلة
الحين هو سافر وخلاص بس انا مقهورة وودي أأدبه واخليه مايعود له الى معي
وودي ابرد حرتي وأعاقبه على فعلته .
واخاف اني اخطي ويعاندني .

ام خلودي وحمودي
ااامين اللهم صل وسلم على نبينا محمد
وياك يالغالية الله يسعدك ويجزاك خير

وعلى فكرة اخوه توه متزوج من اجنبية بسبب كثرة سفراته للخارج
ويقولي رجل من محارمي ان الرجل الي يسافر للخارج ويخالط الجنسيات
اذا تزوج على زوجته غالبا يميل للزواج من اجنبية.