زوجي وسلفتي مستجدات جديدة

انا قد كتبت موضوع عن سلفتي وهذا رابط الموضوع
‏https://www.hawaaworld.com/showthread.php?t=450830...
طبعا بالموضوع القديم كثير عضوات فهموني غلط وكم عضوه فهموني صح ، لان مقصدي من كتابة الموضوع هو/ هل اخلي سلفتي على جهلها بزوجها ؟ ولا اعلمها باللي قاعد يصير وان السالفة ماتحتاج رقى وغيره ؟؟! واللي تهدي السرعة وتقرأ الموضوع مره ثانيه تعرف السبب من كتابة الموضوع 😸
الجديد يابنات اني قبل أمس قرأت رسايل جديدة منها وع ايام متفرقة وحسيت ان السالفة مصخت !!!!
‎يعني قبل أسبوعين أرسلت وتقول انها قرأت الرقى وتحس فيه تغيير بالبيت وتقول انها حتى بالدوام تقرأ بنية هداية زوجها وصلاح البيت وزوجي يمدحها ع ذا الفعل ويقولها واصلي وارسلت تقول يافلان انا لولا المشاعر اللي في قلبي لزوجي ماكان سويت كذا ومن ذا الحكي ومدري وش رد عليها
‎المهم وارسلت بعد قبل اربعه ايام تقول يافلان ابغى أستشيرك بشيء صار اليوم وانا ما اشتكي لاحد غيرك حتى امي ما اقولها شيء وانه انت الوحيد اللي ارتاح لكلامك وتقول انها كانت منسدحه بالصاله وزوجها يحسبها نايمه ويكلم وحده ويقولها كلام كثير ومن ضمنها الفلوس ماكفتكي وتقول انا مدري كيف حريم ساذجات يلعبوا عليه كذا ويستغفلوه وانه صار مايصرف عليهم وإذا صرف يقعد يهاوش ورد عليها زوجي وقال ان اخوه مايقوله شيء وحريص بذي المواضيع الخ وأرسل يقول ادعيله بالهداية وان القلوب بيد الرحمن الخ .... وارسلت مرا ثانيه مدري وش قالت نسيت ؟
طبعا كلنا عيال عم لكن كلمة (يافلان انا مااشكي لأحد غيرك حتى امي مااقولها شيء ) ضايقتني نوعا ما ، وانا بصراحه دمي بارد لاني قرأت الرسايل قبل أمس وتجاهلت الموضوع لكن زوجي خلاني أعيد النظر باللي قاعد يصير لانه أمس صارت بيني وبينه مشكله وهو كان يحسبني انصح واحد بخصوص حياته الزوجية وطبعا ذا الشيء خيال ومن راسه المهم وقال بنهاية الموضوع احيانا نسوي شيء فيه خير وبحسن ظن ونيه لكن نكون وبهذا الفعل فتحنا الباب للشيطان يدخل منه ؟!! واليوم فكرت بكلامه لي وأحس اللي قاله ينطبق عليه وعليها .
وسؤالي هو / هل أتجاهل الموضوع ؟