زوجي وشكله ومدى تقبلي له.. تعبت من البكاء...ساعدوني يابنات اللي مو عاجبها شكل زوجها

شوفي صدقيني الشكل مو كل شي
دامه يحبك وشاريك هذا افضل
ممكن يجيك واحد حلو ونفس احلامك وامنياتك
لكنه خااين ولا يقدر الحياة الزوجيه
اذا زوجك اخلاقه حلووه وطيب اقبلي فيه وحبيه بقلبك
على فكره هالاحساس كمان طبيعي لانك لسى توك مملكه
وترى حلات الملكه بالمكالمات والسواليف
انا اتذكر لما ملكت جلست ابكي ماادري ليه وخافوا كل اللي حوالي
بس الحين الحمدلله لي متزوجه 6 سنوات ماشاء الله ماشيه بحلوها ومرهاا

يؤؤؤه
قولي اعوذ بالله من الشيطان الرجيم
هذي حياه اكبر من انك تربطيها بشكله
نصيحه !!
لاتضيعي الايام الحلوه بالوساوس اللي مالها داعي

الله يوفقك .. وييبعد عنك الوساوس

تذكري اخلاقه .. ورقي افكاره .. وحببي نفسك فيه

اولا مبروك عليك

شوفي اذا جاك ريال احلى عنك راح يطنز عليك انا احلى منك وكل شوي بنات تدق والريال فرحان بروحه البنات طايحه عليه

ولو كان مو من النوع اللعوبي محترم عاد بنات هاليومين بس واحد وسيم الله لا يوريك الاتصالات والغمز وانت طالعه معاه المول

بتكرهين حياتك احسن شئ زوجك مو وسيم هههههههههههه

جد اتكلم بنات كثير تتعب من وسامه زوجها وكم وحده تشتكي من هالسالفه عاد مادام هو مو قبيح احمدي ربك

الرجال مايعيبه شكله لا

يعينه اخلاقه لو اخلاقه مو حلوه مانصحك تكملي معاه

النبي عليهه افضل الصلاه والسلام يقول مكارم الاخلاق ماجا الا ليكمل مكارم الاخلاق

اذا طبعه حلو وتحسي انه محترم احمدي ربك!

حاولي تشركيه باهتمامتك مو انت ساكته ومايعرف شو تبي وشو ماتبي


قولي انا احب كذا وانت ياريت نركب خيل سوا ههههههههههه على اساي ميولك الخيول

يعني اذا تحبي القراءه قولي شرايك نقرا كتاب كذا او نسوي كذا

احب هالشئ وانت؟

مو انت ساكته وتبي يكون زيك وهو اساسا مايسمعك تتكلمي عن شئ!

لا تفكري دخيلك بالمسلسلات اوالبطل ابو حمار ابيض لا احنا بواقع

الاخلاق اهم شئ بيه الجمال يروح والمال يروح يبقى شنو؟؟؟

الاخلاق

الحضن اللي يحبك يخاف عليك يحتويك مو ريال شايف روحه يبي يطلع عشان البنات تشوف جماله

وحاطك بالبيت!

لو تشوفي البنات شو تبكي من هالسوالف راح تحمدي ربك ليل نهار

تعوذي من الشيطان وفتشي بزوجك عن اشياء حلوه كل انسان فيه اشياء حلوه


اهم شئ اللعين اللي تشوفه تطالع حسناته مو تطالع عيوبه!

بالتوفيق

نفس الحاله جتني يعني شي طبيعي ولاتتعبي نفسيتك كلنا مرينا بهالحاله