.. زوجي وصاحب صاحبه ..

السلام عليكم اخواتي ...

صار لي موقف وابغى مشورتكم وايش رأيكم .
احنا عندنا ملحق مستأجرينه مع شقتنا وهو غرفتين وحمام وحده من الغرف سويتها مخزن والثانيه جلسه لنا حطيت فيها كنبي القديم وتفتح على سطوحنا الخاص ونطلع لها كل عصريه .. قاعده اوضح لكم عشان تفهمون
المهم قبل شوي دق علي زوجي ويقولي الملحق نظيف قلت ليش قالي صاحبي يقول انه صاحبه جاي عنده دوره عشره ايام وهو عريس والمشكله انه على قد حاله واتورط هنا لانه مالقي شقق رخيصه كلها فوق 400 لانه احنا بلدنا صغير ومافيه الا فندق وشقق مفروشه وحده وكل وحده اغلى من الثانيه ويقول صاحب زوجي انه بيته صغير ومايقدر يستقبل في بيته وهو صادق بهالشي لاني اعرف مرته
وله ثلاث ايام وماعاد يقدر يدفع اكثر المشكله انا قلبي مو مرتاح من البلاوي اللي نسمعها وسألت زوجي انت متأكد انها مرته يقولي انا محلف صاحبي هي مرته او لا يقول انها مرته وحضر زواجه هو واهله ونفسي اتصل على مرته ومستحيه اسألها وفي نفس الوقت اعرف صاحبه وقف معنا مره وقفه رجال وعارفه مستحيل يسوي لنا شي غلط وكمان هو على قد حاله ولا كان ساعد الرجال
انا مومرتاحه ومو قادره اقول لزوجي لا وفي نفس الوقت (( من فرج كربته على مسلم فرج الله له كربه من كرب يوم القيامه ))
شورو عليه ايش اسوي المشكله انه عريس وانتو فاهمين عشان كدا كمان