ماتبغين تتطلقين وماتبغين تتركينه رغم ذا التصرفات تحبينه ومستمتعه معه
لاحول ولاقوة إلا بالله
بيجي يوم تصحين من غفلتك وتندمين على سكوتك من تصرفاته
والله لو مكانك ماأجلس معه دقيقة ولا تلقو بأنفسكم إلي التهلكة

الحب مو بالضرب والسب والأهانه
لو ضرب مرا واعتذر وعرف بغلطته كان ممكن لو بينكم درزن وراعين ممكن لو اهلك مايبغوك وماصدقو افتكو منك ممكن
في المقابل بنت عايله وناس محترمين والوضع المادي ممتاز ومكتفيه بعمرك وشايلع نفسك بالوظيفه وصغيره بالسن وحلوه
لو استمريتي تكوني غبيه ما ابغى اكون مخببه بس بالعقل واحد سادي ويضرب ويخنق وجسمك معلم وحاولتي بالطب النفسي والاصدقاء وماجاب نتيجه وش تستني يموتك او يموت طفله هو حاسس بالنقص الجنسي يبغا يكسر عينك بالضرب انو انا رجال والسادي انتي حمستيه فعجبه الوضع انك احسن منه ماديا ونفسيا وجسديا وفوقها هو الي يعذبك ويستمتع بهالشي
لو مكانك حاولت بكذا طريقه ووصلت فيه الى هالحد وقتها بنسحب من حياته وطفلي اقدر اعوضه يعيش معزز مكرم ولا يشوف امه تنضرب لاتقولي بكرا يتعدل الذيل اللعوج
استخيري مرا واثنين وعشره وكلمي اخصائي نفسيه واجتماعي وشوفي وش يقولو لك

الله يفرج همك ويصلح حالكم وكل مسلم

كلنا نتفق ان الطلاق مرفوض وآخر الحلول في اغلب القضايا ..
لاكن ب النسبة لقضيتك الطلاق اول شي ..
انا فاهمهً حبكً له وفاهمه انك حابه تعالجينه
يا اختي زوجك عنده نقص ب الذات من قبل تاخذينه
انتي ب النسبه له أداة سكوتك طول هذي الفتره وب الرغم من معرفتك ومع ذالك حملتي حملتي نفسك طاقه انتي مو قادرة عليها .. الحب الي انتي حاسه فيه الان
اذا جاك شخص هادي وطيب ومحترم وعشتي معه أسبوع واحد بس ب راحه راح تنسين الشخص الي انتي معه الان وتحسين ب الندم على وقتك الضايع...


زوجك حالته متطوره الى ابعد حد ..
لاكن الي انا استغربت منه انك انسانه واعيه وفاهمه ومع ذالك تقولين انتظر يقتلني او بقتل نفسي!!!!!
في أي زمن احنى وتحت اي ظرف تسمحين لانسان مريض ينهي حياتك وعندك طفل! وتقولين او انا انهيها! اذا كانو اهلك مو حابين يستقبلونك حالتك الماديه صفر ماعندك مكان تروحين له لما تتطلقين ممكن نعذرك لما تقولين كذا...
انتي حاسه ب الذنب ومو حابه تنكسرين قدام اهلك وان الشخص الي اخترتيه مايصلح يكون زوج..!
عشان كذا متمسكة فيه .. لكن كبريائك ماراح ينفعك اذا جاك اختناق ورحتي فيها وعلى فكره عدم وصول الأكسجين لك يسبب لطفلك مشاكل وممكن يجي لاسمح الله وعنده إعاقه..
رحتي طب نفسي وغيره ومانفع صلي الاستخارة واتركيه
الأنثى بطبيعتها قلبها رقيق .. انتي خايفه تتركينه يسوي بنفسه شي .. الأفضل تخافين على نفسك والطفل الي بذمتك !!!
مااشوف في حل ثاني ..

ارحمي نفسك من هالعيشه والله لاضحي باكبر شراكه على شان نفسي زوج اقل منك بكل شي ومريض وعنده عقد نفسيه هالمره فرغها فيك بكره بيفرغها في الضحايا اللي بتجيبيهم
نقطه انتي هالحين بتتحملين لان الضرب فيك والعقد بكره لاصار الضرب في اطفالك ويسبب لهم حاله نفسيه صدقيني ماراح تتحملين وبتبهذلين نفسك وبتبهذلينهم
ومعليش اختي وقفي انجاب لانك يتنتجين جيل معقد نفسي ومريض ومهزوز لان الاسره لها دور في ذلك وانا اشوف اسرتك غير مؤهله للاطفال


لاتزعلي مني بس حبيت افوقك من سباتك واشيل الغمامه اللي على عيونك والقرار قرارك