زوجي وصديقه الغثيث

السلام عليكم ً...
خواتي العزيزات أبيكم تعلقون ع الموضوع بكل أريحيه والحق من هو معه...
اول شي زوجي في عادته يحب السهر مع أصحابه بس يجي له فترات ينقطع ومن ثم يرجع 
وانا عندي اطفال وتعرفون البيت بالبزران ازعاج
بس هذولا بزرانه بعد المهم الزبده....
زوجي من عرف هالرجال له سنه وزياده هالرجال هذا مطلق وانسان فارغ
وهو باأوقات الدوام يطلع من المغرب مايرجع الا 1بالليل جلسه وعشاء
لاتقل طلعاته له 4مرات بالأسبوع او أكثر وأذا جلس بالبيت يكرهك انه جلس عندك يتهاوش مع البزران هم كلهم اثنين ع اتفه الأمور والا مع جواله يلعب شي يقهر
وهذا مغير اذا جلس زوجي عندنا مغير تلقينه يدقق ع زوجي والا يرسل رسايل وينك تعال اقلط طبعاً زوجي مايرد او يحط جواله ع الصامت عشان ماأقول من هاللي يتصل عليك
المهم يرتفع ضغطي من زوجي أذا طلع وتعشى عنده قسم انقهر والله العظيم اقول اقلها مره بالأسبوع وانا مالي حق فيك اجلس معك
والي قاهرني مره فتحت جوال زوجي ويقول وينك تعال
قال زوجي أنا اليوم بيتوتي مكان جالس حب فينا ضايق. صدره من مشكله بالدوام
المهم ويرد عليه وحنا
صار ضرتي ماعاد هوب صاحب قسم شي يقهر
ودايم اناقش زوجي اقول ماتبي تجلس معي قلي بلسانك والله ماعاد اقول وينك فيه
والي قهرني بزياده انه بأوقات العطل الخميس والجمعه يكون زوجي سهران معه الربوع مارجع من عنده الا 2 بالليل
وتخيلوا يدق عليه الساعه 1الظهر وينك ماتجي تغدا معنا مسوين ضبان الله يحوم كبدك خير ان شاءالله ماتدري ان عنده بيت وعيال وكم لي اشحذ زوجي اقول اجلس معنا ويطلع من 10 ويتسحر عنده ومارجع الا الفجر بالله قولوا لي وين الغلط فيه لاتقولين سوي له جو ودلعيه طيب وانا من يدلعني بعد كل هوشاتنا ع طلعته عند خويه هذا 
عطوني حل لمشكلتي مع زوجي وصاحبه