زوجي وصديقه المشلول

السلام عليكم ورحمة الله وبركاته
الناس ايش جاها الاخ قاطع اخوه والاخت كذلك
يارب لاتبلانا صدق في اخر الزمان تقاطع الأرحام
يابنات صديق زوجي من ايام الثانوي والجامعة وهم مع بعض تخرجو سوا وبنفس التخصص صارله حادث عام 1426 هجري قبل 14 سنه اهله اول سنه كل اسبوع واسبوعين يجوله وبعدين خفت زيارتهم له تو زوجي يسولف علي ضاق صدري يقول اخوه اخر مره جاه قبل 8 شهور واخواته احسن وحده فيهم قبل 3 شهور زارته وبعضهن لهن سنتين
صديق زوجي 14 سنه شلل مايحرك إلا راسه ويتكلم مسكين ،،،، زوجي صار احسن من اهله من تزوجت لي 9 سنوات ماذكر اخذ عنه اكثر من اسبوع
،،
رغم ان حادثة بسبب اخته المفروض تحن عليه وماتقطعه اتصلت عليه وربكته قالت امي زحلقت وطاحت بالحمام ماتقدر تقوم وجاء مسرع وصارله الحادث
امه توفت قبل 7 سنوات الله يرحمها
..
يجيه زوجي ويرفع راسه ويحركه ويدلك يديه
واليوم زوجي يقولي يبكي ويفضفض لي
حرام عليهم كيف يقطعون رحمهم