ليه كملتي ٥ سنين طيب؟

الله يصلحك كل اللي يسويه معاك وتتشحذين الجلسه معاه؟

ومستغربه ليش يعاملك كذا؟



باين انه مهما عاملك انت متعلقه فيه وتجرين وراه ومخليته محور حياتك ..

فماهو محترمك من الداخل لأنه يهينك وانتِ تجرين وراه وتتمنين تجلسين معاه وتلاحقينه ولاتغيرت معاملتك له رغم السنين..



الزواج توازن ياعزيزتي، شحذ الاهتمام منفر لكثير من الناس،
وين رحت ووين جيت وتعال اجلس معاي وانت ماتحبني والاستضعاف والشكاوي الغيها من قاموس حياتك..



انشغلي انشغلي انشغلي..



بنفسك باطفالك بدورات وبكتب باهلك فيه مليون منفذ ممكن تنشغلي فيه..



ان دخل البيت اعطيه حقوقه كامله بس بدون ماتجين كلك اعطيه بتوازن واحترام (بدون اندلاق) كلمه نستخدمها اهل الغربيه، لاتندلقين ..



وإن خرج انشغلي بنفسك وحياتك وأطفالك..


ارجعي لربك لو بعيده عنه،. اقسم بالله انه علاقتك بالله راح تخلي كل علاقاتك في الحياه متوازنه وراح تعطيك رضا واستغناء عن الآخرين وتخليك مكتفيه بذاتك..



اهم علاقه في حياتك هي علاقتك برب العالمين اهتمي فيها بدل الانشغال بالمخلوق الضعيف اللي مابيده سعادتك..



كيف قرانك وصلاتك وصيامك، راجعي نفسك وارجعي للعلاقه الاساسيه في حياتنا راح تلاقين حياتك كلها بتتعدل وتتوازن..


اسأل الله ان يشرح صدرك وييسر أمرك، غيري نفسك بإذن الله راح تتغير حياتك كثير وتلاقين الرضا والسعاده ❤️

معها لاتركضين وراه بتتعبين نفسيا وماراح تسمعين الا اسوأ الالفاظ
لاتتصلين عليه نهائيا جا اهلا وسهلا ماجا بسلامته

ولاتراددينه اسكتي عنه وصدي وسوي اللي يبي بدون ولاكلمه

بعضهم يتحسسسسف اذا شافك كذا

تراني مثلك بس ماكنت ادوره لا مااقعد عنده الا ولازم اسمع كلام يغثني طبع فيه بس انتقادات عزلت نفسي معد احتك فيه كثيييير اجلس بمكان ومعي قهوتي واتفرج عالمنتدى ولا التلفزيون اشغل نفسي عنه مب لازم الا يقعد معك من زين قعدتهم
وربي ارتاحت نفسيتي مررررره اقعد بالاسابيع مااسمع كلام يضايقني وهذا هو طالع له ساعه وشوي ومدري وين ولاافكر ادق ادوره بسلامته وبس

الحياة تعيشينها مره وحدة ليش تضيعينها في الهم والنكد عزي نفسك هو شايفك متشفقه عليه عشان كذا يذلك ويهينك
بيني له انه غير مهم و عيشي حياتك البسي لنفسك واهتمي بنفسك و اعتبريه غير موجود ولاتسألينه وين كنت او وين بتروح وشوفي كيف بيجري وراك
لاتنسين اننا بشر مانملك لك شيء افرشي سجادتك وادعي الله من قلبك انه يفرج همك ويسخره لك وبإذن الله ربي يستجيب لك عاجلاً غير آجل

دامك ماتقدرين تنفصلين وبتقعدين معاه
استغلي ظلمه لك وادعي
ادعي ان الله يسخره لك ويحببه فيك
الجأي لربك مافي اكرم منه
الله يسخره لك