زوجي وضرتي

السلام عليكم ورحمة الله وبركاته خواتي في الإسلام الله يسعدكم دنيا واخره احيانا احس اني احتاج نصيحه وحيانا اقول اني على حق ولازم اطالبه ومابسكت عن حقوقي.
.
اولا انا متزوجه من سنتين بعد طلاق ومعي بنت من طليقي والان حامل من زوجي .زوجي تقدم لي وقال انه مطلق ووافقت وبعد فتره رجع زوجته وسوا لها بيت عند اهلها
.
( بذكركم بموضوع نزلته زمان وقلت ان ام زوجي واخته ظلمو زوجته وتهموها بشرفها بعد ماشافو رجل طلع من عندها بالاخير طلع ولد اختها ..
رجع زوجته وماتحملت بالبدايه رحت عند اهلي ورجعني ابوي طلبت منه يبني لي بيت اسوه بضرتي لأن هو رجل اعمال ومابتنقصه شي وعنده خير .وقال بعد ماتجيبي ولدين بعدين ابني لك وتحملت وسكت وزودها معاي صار يجي عندي يومين او ثلاثة في الاسبوع وهي كل الايام عندها ويتعذر باولاده . ويسافرلها لانها في منطقه ثانيه اخر مشكلة صارت بينا جاتله عزيمه كرت زواج انا شايفته وضحك علي قال مو برايح وبنهايه اكتشف انه رايح هو وضرتي بعد مواجهته قال العريس يصير ولد عمها وهي محسوبه لو مجات لانها قريبه ومكلماتها بنات عمها وانتي من بعيد .
.
اولى جاني من عندها وقال يبغى قهوه قلت لو خليتها تسوي لك قال يرحم والديك مالي خلق مشاكل ودخل ونام ...
.
ابذكر محاسنه عشان ماظلمه ومايكون كلامي من طرفي فقط هو طيب بس الغيره ذبحتني.
.
يدلع بنتي الي من طليقي وشاريلها ذهب ويلاعبهاومدلعها وبنتي متعلقه فيه وياخذها معاه بقاله او اي مكان كانها بنته ويمشي لي مصروف ومايقصر احسن مافيه دائما يطفي الشعله من بدري قبل اي مشكله تكبر الغيره ذبحتني ليش مايسوي لي زيها ليش مايعدل بعدد الايام ليش يبني لها وانا لا ليش يميلها