السلام عليكم يالحكيمات اول شي اشكر أختي كلي امل اللي أتاحت لي الفرصة ان اكتب بمعرفها..
بصراحه أنا في حيره وضميري مره يانبني مع انه أنا مالي ذنب بذكر لكم كل شي وابغى بس ترشدوني وش اسوي
قدر الله علي ان اكون زوجه ثانيه مع كل رفضي ورفض أهلي الا مدري كيف صار النصيب، تزوجت وجلست شهر وبعد الشهر زوجي كلم وزجته انه تزوج صارت مشاكل بينه وبين زوجته وبين عياله لان عياله كبار والله العالم قد ايش تحملت منها وأقول في نفسي لو أنا مكانها كيف بكون واتجنب المشاكل ومااذكرها ابد قدام زوجي كانت كل ماهو عندي تزعجنا برسايلها واتصالاتها اللي مالها داعي حتى لو تتصل الفجريه ماعندها مانع ترهق زوجي بطلباتها اللي تكسر الظهر ولسانها مو طيب مع زوجي تحب دايم تتمشكل معاه عشان بس تذكره بزواجه انه تزوج عليها
المهم مرت سنه وانا في حاله يرثى لها من تطنيش زوجي لي ويجي عندي دايم معصب ولما اتصل عليه وهو هناك يعصب علي قدامها مع أني والله والله والله مااتصل الا لشديد القوي لأني لحالي ماعندي احد اما هي عندها عيالها
واذا جاء البيت يجي ساكت ومايتكلم معاي يجلس عالاب لين ما ينام وانا ساكته ومتحمله وأقول هذي حسبت أمي لانها كبيره شوي بالعمر ومو حاقده عليها لان كذا فجأه جت وحده تشاركها فيه.. لعلمكم زوجي مايجيب سيرتها عندي ابد وكل اللي عرفته عنها وعن المشاكل من الرسائل اللي يتراسلو والايميلات اللي بينهم ..المهم جت لزوجي إجازة لمدة عشر ايام أنا قلت خلينا نسافر فيها أنا وياه اي مكان يمكن نفسيتي تهدا وعرضت عليه الفكرة وقلت سافر معايا اسبوع وبعدين سافر مع زوجتك المهم عرض عليها عرض عليها الفكرة وقالت خليها هي بالأول تسافر وفعلاً سافرت تركيا جلست فيها اسبوع وحسيت زوجي تغير معاي 180درجه فعرفت أنا وقتها انها هي اللي تغيره عليا
المهم رجعنا الديره وسافر زوجي وزوجتي نفس الدوله لانها هي اللي بغت مرسله له إيميل تبغى نفس الدوله ويكون يعاملها نفس ماكان يعاملني وحتى النظرة والبوسه ماراح تسامحه فيها..المهم بعد مارجعو زوجي وزوجته قررت أنا اتغير وأغير المعامله اللي يعاملني زوجي صرت بالره هاااااديه لأني بالأصل عصبيه ورجعت كملت دراستي عشان اشغل نفسي وغيرت أسلوبي معاه صرت ما اقول له لا ومو منقصه عليه بشي يجي من الدوام ارحب واهلل فيها واكبس له واتكشخ واجهز له المويا الحار بالعربي صرت لاعبتها صح وكل هذا لما بس يكون عندي ولما يكون عندها أنساه نهائيا ما ارسل له ولا اتصل عليها ابد حتى لو عندي موعد عند الدكتورة أحجز بيومي أبغى بس أريح راسي وأريح زوجي لانه عنده السكر والضغط والحمد لله زوجي تغير معاي كثير ورجع لي أحسن من اول :icon28:
صحيح يقضي اغلب وقته عند الاب ومايطلعني كثير واذا في يوم عصب اسكت وأطنش لأني صرت أتقن التطنيش بمهاره ..مو هذي المشكله ...:( المشكله ان ضرتي هاذيك هي وماتغيرت والله العظيم أني راحمه لحالها
تجلس كل يوم ترسل له ايميلات تعاتب زوجي مع انه والله ظاااااااااالمها كثير اول شي مطنشها على طول ما يحب يستشيرها صحيح انه يعدل معانا بكل شي الا شيائين ( المعاشرة -المحبة ) الثنتين الحمد لله من صالحي
تدرون ليش لانها تجلس تعاتبه كثيييييييير انت مطنشني انته ماتعبرني انته ما تحبني انته ما تنام معاي انته وانته وانته روح منك لله الله ينتقم منك الخ....... (طبعاً كله عتاب )
والرجال بطبعه ما يحب الحرمه النشبه وثاني شي نفسته لها دور بكل شي و أنا مخليته على راحته لدرجه انه جلس مني شهر كااااااااامل واحنا زي الاخوان بالبيت ولا سمع مني غير ..اذا تحس نفسك تعبان وهجرك لي غصب عنك خلينا نروح المستشفى وبس وبعدها خليته براحته وبالأصل زوجي مؤ من النوع اللي يحب .........ذاك الشي كثير
والدليل هذا إحنا بنغلق ثلاث سنين وما عندنا اطفال الحمد لله يارب
المهم الحين زوجي متغير كثير على ضرتي ماصار يرد على اتصالاتها ويرجع من عندها اما السكر الضغط مرفوع وقبل كم يوم قريت لها إيميل تقول له طلقني كرتهك وكرهت العيشة معاك
االزبده أبغى انصح زوجي وانصحها هي كمان أبغى اقول لها لا تحسب انه كل مايجي عندي اربع وعشرين ساعه وانا بحظنه ويسولف معاي ويكون مشتاق لي حتى أنا يجليه أوقات مايبغى يطل بوجهي وابغى اقول لها تحسن معاملتها معاه وهو بعدين بيتحسن
ونفسي اقول لزوجي لا يظلمها ترا هذي زوجته وأم عياله داريها بس بنفس الوقت لو يعرف أني أقرا الرسائل والايميلات بيبهذل أمي لانه حاط لهم رقم سري ومحسب أني ما اعرفه
معلش ادري هرجت كثير ولا تجي وحده تقولي كل هذا من تحت راسك لا والله كل هذا نتيجة أسلوبها ومعاملتها..
أنا كان حلمي زي اي بنت احلم بزوج لي لحالي وبيت صغير بدون مشاكل بس ربي هذا اللي كاتبه لي
والله العالم أني أحاول أتقرب منها مثلا ارسل لها دعاء ارسل له رساله رمضان تقوم تهجم علي وتشتكيني لزوجي
ومره من المرات ماتت وحده تقرب لهم فاارسلت له رساله اعزيها تقوم تعمل مشكله طويله عريظه
وهي أحيان تتصل لجوالي تهددني والا توصيني على زوجي تقولي انتبهي عليه وانا زي الخبله طيب وابشري بعزك
للمعلوميه أنا إنسانه جداً جداً مساااااالمه من يوم ماكنت بنت والله العالم بنيتي
السموحه عالاطاله وانتظر نصيحتكم لي لأني ما أبغى أشوف زوجي يوم ألقيامه يجي وواحد ماجنبه مائل :44:
كلي امل ترجع لي @kly_aml_trgaa_ly
عضوة جديدة
هذا الموضوع مغلق.
توته3000
•
لاتتجسسين على جوال زوجك ورسائل زوجته التجسس ما يجوز
أختي توته جزاك الله خير
بس وربي غصب عني حطي نفسك مكاني ما اقدر اصبر ابد وزوجي من النوع الكتووووووووم ما اعرف شي
دعوه حلوه ويسعدك يارب ودعواتك لي بالذريه
بس وربي غصب عني حطي نفسك مكاني ما اقدر اصبر ابد وزوجي من النوع الكتووووووووم ما اعرف شي
دعوه حلوه ويسعدك يارب ودعواتك لي بالذريه
الصفحة الأخيرة