حبيبتي مايحس فيك الا الي يعاني من مصيبة زي مصيبتك.بس ودي انبهك على امر واحد هلنوع من الرجال عندهم مشكلة عويصة انهم يوم ماينقلب ماراح تلاقين الا واحد ماتعرفينة .مستحيل تتوقعين قلبتهم لانهم بعد فترة من الاحساس بالنقص حتى لو كان غير معلن يتحول الى انسان يرفض كل شي واولهم انتي وعقلك .كوني حذرة.وحاولي تبعدين هلصورة عن ذهنة وذهن الي حواليكم. والله يعين كل الي في هلموقف ادري صعب.وطمنيني دايم عنك

زوج شخصيته ضعيفه ولا زوج مستقوي والله يعينك

الى جميع اخواتي حبيباتي بنات حواء الي دخلو موضوعي وأدلو بأرائهم ونصائحهم جزاكم الله عني خير الجزاء والله ماقصرتو
قمورة السعودية......ههههههههههه اضحك الله سنك والله انك فطستيني من الضحك صاطور عاد الله يسامحك...يعني الرجال يايكون جزار يامثل الي عندي مافيه حل وسط
مشكوره ياقلبي
الخزامى والنفل....اشكرك بعنف أختي بس والله خوفتيني ليش يعني الي بشخصيه زوجي ممكن تحصلهم انقلابات؟؟؟ وش نوع الأنقلابات؟؟ عاد تخيلي بعد صبري هذا ينقلب و اول مايتغير وينقلب علي...والله اني مراعيته وابذل جهدي اني ماجرحه
true feelings.....والله انك صادقه بكل كلمه حبيبتي وهذا الي انا اسويه احاول اتناسى كل عيب فيه وبستمرار اقول الحمدلله حالي احسن من كثير وانا بنعمه
وه يازيني....اسمك راااائع أحلى شي لما البنت تتغزل بنفسها...هذا ينمي ثقتك بنفسك...ويزيدك جمال بينك وبين نفسك..وانا حاسه انك زوينه..وه ياقمر وه ياواثق ارحمونا... وكلامك سليم ياقلبي بس تعرفين دائما الوحده تبحث عن الكمال برجالها
تولان...(((حاولي تحطينه قدام الناس يعني سوي زي الحريم لاتروحين العزيمه قولي ابو فلان قال لا او قولي ابو فلان قرر لاتكذبي ولكن استخدمي التوريه بس علشان هيبة الرجال قدام الناس))) والله هذا الي انا اسويه احاول اغطي النقص...مشكوره وكلامك يدل على وعيك الكامل
الحلوه الحزينة... الله يزيدك حلى ويبعد عنك الحزن حياتي...انا ماني مقصره في ناحية الطلعات..وبستمرار احثه على مجالسة الناس الواعيه واحببه فيهم...لكن ياقلبي لاتحزن...وربك يعين
شاكره لكم جميعا حبيباتي ...والله يهدي لكل وحده زوجها ويحليه بنظرها...ويرزق كل بنت بأنسان يفهمها وتفهمه..يارب العالمين

أولا، فهميه سواء بالتلميح أو التصريح انج محتاجه بعض الجديه.. بس مو تطلبين منه مباشره ان ما يمزح عشان لا يزعل...

أو مثلا حاولي انتي من نفسج تفتحين مواضيع جاده وتناقشي فيها معاه..

وثانيا والأهم، حسسيه بضعفج وبحاجتج له باستمرار... حسسيه ان بيتكم مايقوم من غيره، حسسيه بأهميته وقوته

حتى في مسالة الصرف حتى وان كان مسرف، أنا من رايي لا تخلين موضوع الصرف بيدج بحجة انج بتتحكمين في الصرف، خليه هو اللي يتصرف.. دايما حسسيه انه هو الرجل وهو اللي لازم يتصرف

ومثل ما قالت وحد من البنات، خليه يقعد مع أبوج وايد وان شاءالله يتأثر بشخصيته

حبيبتي انا قلت كلامي من تجربتي الشخصية .عندي زوج الكل يحسدني علية على قولهم على كيفك بس انا ماكنت لا مرتاحة ولا سعيدة بدور المراة والرجل الي اسوية.المهم بعد اربع سنوات والله فجأة طلقني بعد مادخل علي راجع من الرياض كان عندة شغل بدل مايعبر عن شوقة قال لي انتي طالق بكل سهولة.وانت الصدمة.وقوموا اهلي واهلة الدنيا ليش وعيالك وش فيكم وش عيبها قال مافيها عيب بس تستاهل واحد احسن مني.حس انة تعب من شعورة بانة اقل مني في التفكير والقدرة على حل الامور في العلاقات الاجتماعية وغيرة وغيرة وقرر يبتعد وقال باي لكل شي. ما الومة وضع بايخ اكيد يبي وحدة انشاء الله ماتقرا ولا تكتب بس يحس معاها انة هو القائد وهو الافضل ويحس بالشعور الي كل رجال يحسة مع زوجتة.مو ذنبة ان تزوج وحدة شخصيتها قوية. لو حبيتي تعرفين اكثر عن ايش سويت وايش اكتشفت بتنصدمين بس اذا ودك نخليها على الخاص.والله يعينك ويقويك . مع حبي