زوجي وضغوطاته النفسيه والمعنويه علي...!!

السلام عليكم ورحمه الله وبركاته
لا ادري كيف ابدا .........
اول شي كيفكم اتمني من قلبي ان كل واحده في تمام الصحه والعافيه
ثاني شي صراحه انا من زمان مادخلت المنتدا من فتره طويله جدا
لدرجه انو الحين دخلت طوالي ع هالقسم مادري مناسب او لا ولا شفت ولا موضوع لاي عضوه من كم سنه بصراحه
بأبدا بمشكلتي مع زوجي :44:
انا ام لطفلين اعمارهم 9و8
وزوجه ثانيه تزوجت بعد ضغوطات من اهلي وعدم علمي بان زوجته عنده ع انها مريضه وعند اهلها
المهم انو زوجي صراحه من النوع البخخخخيل جدا جدا
عمره تقريبا بالاربعين بخله عاطفي ومعنوي بكل ماتعنيه الكلمه مراح اتطرق لبخله العاطفي لانه اول شي صعب اوصفه ثاني شي صعب افصل كل شي
لي فتره انا وياه دايم مشاكل تقريبا من شهر المشاكل شبه يوميه
اذا قلت له اي شي دايم يرفض او يحط الغلط علي ويحملني كامل المسؤليه ولا يقتنع اننه غلطان ابدا:icon33:: :
لدرجه اني من فتره قلت له نبي نسافر ماليزيا
قال براحتك اذا تبين نسافر تحملي كامل المسؤوليه والتكاليف
قلت اوكيه ماعندك مشكله بس اهم شي نكون مستانسين ونغير جو
طبعا من 3 شهور وانا ع النت احجز فنادق وطيران واحدد المدن الي بنروحها وارتب البرنامج كامل
يوم صار اليوم هوا مودي عند الخياط بنطلون له علشان يضبطه وعطيته جلابيتي يضبطها معاه
يوم رجع امس قالي انو يبي خمسين اذا بتدفعينها او تبين ادفعها؟
قلت براحتك
اليوم قال انا ادفع لك ومدري ايش وانتي مايبين فيك ماتستانسين ولا تبينين انك استانستي ان دفعت بدالك
قلت بالعكس مستانسه بس وش تبي اسوي ؟؟؟؟؟:icon33:
مادري يبي ارقص او مدري بالظبط
المهم قلت له انت اساسا نادر ماتدفع واذا دفعت 50 او 10تجلس تمن فيها سنه علي
وانا هذاني حاجزه ماليزيا ولي سنه وانا مرتبه وضعي و4 شهور للحين ضاغطه ع نفسي حتا حجز اذا قلت لك قلت مالي شغل؟
ولا منيت عليك ولا عمري قلت لك بسفرك ع حسابي : حماقة:
قال مافي زوج مثلي يوافق اصلا والمنه لي لاني موافق ع سفرتك هاذي
وطلعت وخليته وجلست ابكي والله احس اني خلاص مو متحمله ع الاقل يقدر تعبي ويقدر الفلوس الي ادفعها وانا مو موضفه ولا شي
حتا اهلي مو في نفس المنطقه وخواتي الي قدي مشغولين بالجولاات احس صعبه اجلس اشكي لهم وهم بعاالم ثاني وامي ماقدر لانها تعبانه ولا ابي ازود عليها :44:
واهله ماقدر اقولهم شي لان علاقتي فيهم مو مره مع اني معاهم عاديه واذا طلبو مني شي اعطيهم وبين فتره وفتره اعزمهم بس اذا جيتهم مايحبون يجلسو معي اجلس لحالي لما اطلع : icon36:
صراحه ابي حل لبخله العجيب الي ماقدرت اسيطر عليه او اخليه يتغير
لدرجه مره من المرات كنا طالعين سوبر ماركت وولدي اخذ بيضه كندر قام عصب عليه واخذها من ايده ورماها عند المحاسب وولدي جلس يبكي ومسك ايدي وقال لا تناضرينه بيجلس يتدلع والله يابنات جلسنا نمشي والولد ورانا ويشاهق من الصياح ولا خلااني اشيله او اسكته :icon33::icon33:
وهي كلها ب3 ريال لو معي الف كان عطيته ولا يسوي كذا ويجلس يذلنا علشان مامعانا
المشكله انو راتبه فوق 15 الف ريال وزوجته الثانيه من كم شهر شرالها بيت ملك
وانا في بيت اجار قيمته رخيصه جدا
يعني مادري ليه هالبخل :44:
بكيت كثير وصرخت كثير وعصبت ع عيالي كثير بس والله احس بتجيني حاله نفسيه او شي من الي يسويه فيني
اذا سهرت هاوشني ويجلس يراقب الواتس اب او اي برنامج ويشوف متا كنت فاتحته علشان يقول ليه سهرتي؟
طبعا ذا اذا كان مو اليوم الي عندي : الخلط،
واذا صار عندي يصحيني من الساعه 7 الصبح وويقول قهويني واجلسي معاي علشان اذا صار بالليل تنامين
طيييب ليه التعذيب الناس كلها تسهر ؟؟: 06:
وزوجته مايروح لها الصبح ولا يدري عنها اذا تسهر او لا
وكل شي طبيعي طبعا اذا قلت له ليش انا تجي تصحيني وهي لا المفروض يوم انا ويوم هي
يقول احمدي ربك انا متفضل عليك والمفروض تستانسين اجي عندك ؟: طرفة:
لا حول ولا قوه الا بالله
اكتب لكم وانا جالسه ابكي وميته من الحرقه جواتي مادري اشكي لمين
ماعندي احد اشكي له همومي قلت يارب احد يساعدني او يعطيني حل علشان اعرف اتعامل معه
طبعا ياليت الي بتكتب شي يكون مفيد لي او يكون حل لاني كتبت كلامي ابي حل وليس تعليق!!
:44:
في اشياء كثيره ماكتبتها بس حبيت توصل الفكره ع درجه بخله الشديد الي مو قادره اتحملها ولا اتعامل معها
حتا اخوانه وخواته مو زيه اتمنئ يكون لي زوج مثلهم:icon33:
واسفه ع الاطاله بس احس اني مقهورره:icon36::