اولاً قبل مااتزوج ماحد له كلام على ولدي حتى ابوي لا زفه ولا ضربه أزعل كنت اتحسس من الشي
وماكان احد يمد ايده عليه ومدلعته ع الاخر
بعد زواجي خليته فتره عند اهلي وكل ماجيت يطير من الفرح فيني وبزوجي هلا بابا وبروح معكم متعلق فيه بالحيل وزوجي مثل
يوم عرف طليقي اني تزوجت اخذه فتره وسكر عليه عند اهله
وأخذته بأمر من المحكمه بعد ماصدر لي صك الحضانه
من بعده الولد تغير وأي احد يشوفه من اهلي او يتكلم معه يبكي ويصارخ وينتفض من الخوف ليش ماادري
مادري رده فعله طبيعية انه أنحرم منا فتره وشره علينا
ولا تعقد الولد وتعبت نفسيته
ثانياً زوجي يقول بكسب فيه اجر والابو اللي يربي
وبيأسسه من جديد
فبدأ معه يسولف ويلقن وهذا صح وهذا خطأ
ولازم تتكلم كذا وتأكل كذا
يعني من الصفر
ويتعامل معه بأسلوب التحفيز والعقاب
ان صار أوكي فسحه واشترى له ألعاب وأي شي يحبه
اخطأ يحرمه من الجوال او يخليه يجلس ساعه لوحده بغرفته ولاجاء قال أسف خلاص
والأمور ماشية وكلنا مرتاحين
لكن زوجي يغار ومصارحني بهالشي
ويقول لاصار مشكله ولا شي تدخلين ولدك بالنص
لاتكرهيني فيه وتكرهينه فيني ترا انا احبه ومايصلح كذا
بكرا بيكبر مو ع هالأيام
والولد بدا يتضايق من زوجي
قلت له مايجي كل شي جميع صعب عليه اول عايش ع راحته واللحين بتمشيه ع نظام معين
يبغى له سنه قال لا اضغط عليه وأشد شهرين وبعدين نرتاح
والنقطه الأهم انه الله يصلحه ينرفزني واعصب منه من الإزعاج ودايم يطيح ويأذي نفسه
ومااشتغل براحتي بالمطبخ مزززززعج وصراخ
ولاجاء زوجي نفسيتي زفت
طول اليوم انا وولدي لوحدي وهذا اللي مريحني
يعني زوجي اغلب الوقت برا
ولاجاء ننام 1او2 بالليل
ونصحى الظهر لكن احيانا يصحو سوا الصبح ويصلح زوجي فطور ويفطروا سوا بدوني 😊
يعني يحن عليه بغيابي
الله يسهل امري ويريح بالي
الصفحة الأخيرة
تفاهمي مع زوجك وحطو خطة تعامل مع الولد وذكريه ان له الاجر وان بيكون عز لعياله لاكبرو وابتعدي عن اسلوب الضرب مايجوز اتبعي اسلوب التحفيز والحرمان والعقاب واشتري له لعبه قولي له من زوجك حبيبيه فيه وحاولي تكلمين استشاري اسري يعطيك نصايح الله يسخركم لبعض