سبحان الله نفس زوجي يحب هو يتسوق من الماركت
عادي ياحبيبه بالاول استغربت تصرفه وبعدين حسيت ان شخصيته عنلي ويحب يتكل على نفسه ويتعود يجيب ويتعرف على الاشياء اللي ماكان يعرفها بالاول
ومازال تنقص بعض الاغراض يقول ماانتبهت انها مكتوبه او اذن ومامداني اخذ الاغراض الباقيه
واسوي بالموجود وجدا عادي بس اقوله في اشياء ناقصه وارسله مره ثانيه الناقص
وسعي صدرك فديتك الحياة الزوجيه يبيلها صبر واحتساب وبرود اعصاب
ولاتحرقي نفسك يجيك بعدين القولون والضغط
ارسليله مسج بالاشياء الناقصه وقولي ضروري ابيها
وارسليه صورة السميد وقولي مثل ذا ابي علشان ينحط بالامر الواقع
ماجاب السميد مو لازم تسوين حلويات
اشتري نففففسك وراحة بالك وربي ولدك احسن تربيه لانه هو زرعك وبيجي اليوم اللي بتجني مازرعتي وتحصديه

متعبات انفسكم
كل شي لازم تروحن تجيبنه بانفسكن
خلي الرجال يعتمد علی نفسه ويقوم ويطلع ويروح يدور ويقضي ويحاسب ويشيل ويحط
وانتي معززه ببيتك
مو لازم اتبعه والحقه حتی علی ريال سندوتش اكون وراه اطامر
اللي يجيبه كويس كثر الله خير
اللي ماجابه يكون ريحني ماطبخ واتعب
ولسألني اقول ماجبت الشي الفلاني
ان ماسألني عادي اكتب له الغرض مع الاشياء اللي محتاجتها
وبيجيبها المره الجايه
ليش ازعل وازعق واكدر خلقي عشان شغله ب5ريال
والولد مسكين لاتحطين حرتك فيه
كل ازواجنا كذا مايخلونا ننزل دايم للسوبر ماركت الا من رحم ربي

الماده تحكمه والولد لا تقسين عليه انتي اللي مسويه مشكله من ولا شي واضح انه راتبه على قده

عادي ياختي تقريبا نفس حالتي يرفض اروح يقول اكتبي واجيب لك واحيانا تنقص بس عادي اسوي بالموجود لان هذا طبعه وصار يجيب،من خاطره حتئ لو ما قلت له

أختي


خليني أعلمك كيف تطلبين أغراضك


أولا لازم تبدين الطلب بكلمة طيبة .. مثلا هلا الغالي ناقصتنا شوية أغراض ياليت تجيبهم معاك ,,,
بعدين تكملين بطريقة مرتبة ,, لا تشتتين الريال لأنه ينسى ولا تخلينه يفحط في الجمعية من قسم لقسم ,,
اكتبي بهااطريقة: أغراض شخصيىة: صابون للايد - كلينكس- شامبو/// أغراض تنظيف: داوني- ديتول- تايد /// الخضار: بطاط- خيار- موز/// البهارات: فلفل اسود مطحون ماركة ... /// من الثلاجة: دجاج الروضة حجم 800 غرام /// نجتس ساديا/// زبدة لورباك غير مملحة /// جبن كيري . .
واختمي بدعاء: ومشكور فديتك الله يوسع عليك رزقه ويعطيك الخير في كل ما تحب


بعدين ..
لو طلبتي طلب جديد .. لو سمحتي راعي ان الزوج ما يعرف اغراض المطبخ ولا يدخل المنتدى يشوف اللي يمدحونه البنات .. اكتبي كالتالي / كريمة مكتوب وبرسل لك صورته / سميد وبرسل لك صورته .. اكياس حفظ الطعام وبرسل لك صورته
ومن قوقل طلعي الصور وارسليهم له على الواتس اب .. ولو عندك في البيت صوري وارسلي ..


ذكريه دايما يجيب العدد المناسب .. لا تملين الثلاجة ويفسد وترمينه ..


بهالطريقة أغلب أغلب الاغراض بتجي .. وقليل لما ينسى .. رتبي ونظمي وشوفي .. صح تاخذ وقت لكنها تصنع عادة وتريح البال ..


هذي طريقتي والحمد لله أموري تمام مع زوجي .. الشيء الوحيد اني ما اخليه اجيب فوط صحية وأطلب اني اشتريها بنفسي اقول له أغراض حريم .. وهو مرة قال بجيبها .. قلت له انت أغلى عندي من اني اخليك تجيبها ..


صحيح هي كلمة طيبة وطلعت لكن أثرها عظيم .. يكفي اني لا قلت بروح الجمعية محتاجة أغراض يقول حاضر


يا غاليتي الكلمة الطيبة مفتاح القلوب .. أما النقرة والنرفزة فهي دمار البيوت ..


دعواتكم يا بنات