زوجي وطليقته

بنات لو كنتم في محلي ايش راح تسوون
زوجي يحب طليقته واتعبني معاه وكذا مره ندخل بمشاكل انا وياه كله بسبب الموضوع هذا
زوجي عاش مع طليقته ممكن 9 سنوات وبينهم اطفال ويحب طليقته لو كنت ادري انه يحبها كذا
والله ماتزوجته اتهمها بالخيانه وطلقها وحاول وحاول ورفضت ترجعله حتى وقع الطلاق
الي سمعته ان اخت زوجي شافت رجل دخل عند طليقة زوجي ونادة امها وامها شافت الرجال وهو خارج وعلمو ولدهم ورما عليها الطلاق صدق امه لأن طليقته مالها احد في الرياض من اقاربهم وايقن انها خانته وبعد ماتكد طلع الرجال الي دخل عندها ولد اختها كان في دوره عسكريه في الرياض ومر على خالته يسلم عليها ويوصلها اغراض مرسلتها امه فيها
استعجل ومن دون مايكلمها ضربها وطلقها
..... كلام اخته لي . ان امه واخته راحو لها بيعتذرون وماستقبلتهم.....
بعد فتره جاني وخطبني انا مطلقه ومعاي بنت وافقت ماكنت اتوقع انه يحب طليقته وان الي بينهم انتهى
الان انا متزوجته لي سنتين احيانا احصل يكتب شعر في اوراق وسوي نفسي ماشفتها ومره رميت كرتون من دولابه فاضي مافيه شي وعصب وخلاني اجيبه وناداني وحذرني قال الدولاب هذا ماترمين منه اي شي كرتون هديه اعتقد
قبل فتره واجهته بعد ماتعبت من تصرفاته قلت فكنا من فلانه انت اخذني من عند اهلي عشان تسويبي كذا
قالي قلبي متعلق فيها احبها ...... ووالله ان امي اغصبتني على الزواج منك بعد ماطلقت فلانه وقلت وليش تظلمني قال ماظلمتك حقك ان شا الله بتاخذينه اه يابنات اتعبني وربي مره سألته عنها وسحبته فالكلام
قال عمري مارفعت يدي على بنت وشلون رفعتها على فلانه
وكثير روحاته لهم بينا وبينهم 600 كيلو وكل شوي رايح ولايأخذني وشاري ارض جوار اهلها ويعمرها يقولي لعياله
صفاته معاي يعني هو بيني وبينه عادي بس ذهنه شارد على طول بفلوس كريم معاي كلام حلو مااسمع منه مايحب يتكلم كثير كلام يعني سب وشتم لا ابدا مايقوله الحمدلله
كيف بستمر معاه نار الغيره تاكلني احيانا بقول بتطلق كيف بعيش مع واحد قلبه مع غيري