زوجي وطليقته حسبي الله عليهم .. كنت لعبه بينهم ..

انا وحدة عايشة بهم مايعلمه الا ربي .. تزوجت من مطلق وجلست معاه سنة ..الي خلاني اتزوجه...انه اقنعني واقنع اهله واقنع اهلي انه صار يكرهه زوجته الاوله واولاده وقع على ورقه علشان يبقون مع امهم ..ورح يبدا حياة جديدة معاي..
وتحملت وعشت 4شهور بسعادة ... وبعدها .. تغير كل شي، بالبداية جاب عياله عندي شهر ونص ع انه زيارة ويرجعهم وكنت انا الي اقوم بهم واهتم فيهم ..صغار ولد يدرس اولئ وبنت 4سنوات او 5 ناسية عمرها ..وبعدها رجعهم .. ومع بدايات الدراسة جاب الولد وخلاه يدرس عنده وصبرت وتحملت ... في الفترة هذي من جد كنت ع هامش حياته وصبرت احيانا كنت اتكلم ةاحيانا لأ ... وقبل نهاية الفصل الاول بشهر راح جاب البنت وتجلس معاي .. وتحملت عياله وصابرة .. بالرغم من قلة ادبهم وطولة لسانهم ودلعهم الزايد .. وزوجي اغلب وقته معاهم ..كويس اذا تذكرني .. وكنت صابرة..
وجات الاجازة واروح لاهلي اسبوعين وارجع ... وياليتني ما رحت وياليتني مارجعت..😭😭😭
رجعت وحياتي مقلوبة مشاكل مع زوجي كنت اشك من قبل انه يراسل طليقته بس تاكدت مرة وانا جالسة جنبه .. صحت بكيت وش تبي منها وعيالك عندك .. اعطيني اقرا رسايلها رفض .. وبعدها بكم يوم يصاااارحني .. ابي ارجعها ..بالبداية رفضت بعدها وافقت وقلت طلعني بيت غير هذا .. رفض وقال تبغين الحياة معاي اجلسي هنا ما تبغين لمي اغراضك ..
فلميت اغراضي وشكله تندم وقال انا اسف انتي ابغاك ومن هذا الكذاب .. المصيبة جاءاليوم الثاني ونزلي بقية الشنط واشوفهابالغرفه ... هنا انصدمت .. قلت وين كلامك امس وينه .. ما تكلم ..انا خلاااااااص تعبت نفسيا .. كرهت تصرفاته بس ماودي اخليه واترك لهم المجال هذا اذا رجعت .. يعني تشبع مني وعوض كل نقص .. وخلاص ..
 واللحين بيرجع طليقته .. ويبي يرجع لحياته السابقه .يعني يبي يستغني عني .. يعني يطلقني😢 ... يا رب ما ترجع له .. لان اذا رجعت رح اتطلق بسببها .. حسبي الله عليهم ونعم الوكيل ..... يارب يا رب يا رب ما ترجع طليقته .. وبنفس الوقت طابت نفسي منه ...
هو مخبص حتئ امه تعبت بسببه قلت لا تفكر فيني فكر في امك والله لو يصير لها شي انك تندم طول حياتك قال انا ما افكر في هالشغلات ابغا زوجتي الاوله واولادي وبس ..

المشكلة اهل طليقته صعبين وممكن ما ترجع .. بس هو جالس يدمر نفسه ويدمر الي حوالينه .. يا ما نصحوه قبل لا تطلق لا.. اولادك وووو .. ولا اهتم وراح تزوج .. اللحين بكل بساطة يبي يرجعها ويطلقني ... حسبي الله ..الحمدلله ماعندي عيال .. والحمدلله ان عندي مؤخر قرابة 80 الف .. قد كنت حاسه بالشي هذا بيصير .. وعلشان كذا طلبت موخر وقد كان 100 بس نزلوه .. الحمدلله علئ كل حال .. لازم السوال عن العريس كوووووويس قبل الزواج .. بس علشانه يقرب لي ..
..

اذا كان باقي لي خير معاه فالله يباعد بينهم ويصرفها عنه هي واولادها ولا ترجع له يارب .. واذا عيشتي وحياتي فيها شر لي معاه فالله يصرفه عني ويعوضني بالخير يارب .. الطلاق مو سهل وخاصة في مجتمعنا بس الله يكتب الخير ..