زوجي وطليقته ماني مرتاحة

اي وحده تتزوج مطلق وعنده اولاد لازم تحط ببالها انه يمكن يرجع لزوجته عشان ماتنصدم مستقبلا

يااختي انتي متعبه نفسك بالتفكير ..استهدي بالله وفوضي امرك له وكل شي مكتوب فلا تتعبي نفسك وتستبقين الامور.

انا رديت عليك بكل صراحه بموضوعك اللي قبل وانا ماني طرف زوجه اولى ولا ثانيه

زوجك يحبها واضح من تصرفاته واسلوبه لدرجة انك ذكرتي انه صرح بلسانه يحبها ومحتفظ بكل شي من ريحتها وذكرياتها .. والله اعلم لازال عنده أمل .

لان الطلاق والفراق تم بمكيده ولحظة غضب ما كان بسبب انه عايفها وما يبيها او ان فيها عيوب ومتعبته يعني لو ماصارت هذي المشكله ما كان طلقها ولا ابعد عنها

مع احترامي لكل بنت ردت عليك بموضوعك السابق وقالت ما يحبها مجرد تأنيب ضمير ما اتفق معاهم صحيح في تأنيب ضمير ولوم للنفس لكن في حب كبير بينهم وعشرة عمر .

تأنيب الضمير يخليه يعوضها ويعوض عياله ويخدمهم ويهتم فيهم بشكل مبالغ لكن ما يخليه يحتفظ بذكرياته معها ويسرح ويشرد يفكر وقلبه متولع عايش معك وقلبه معاها .

وانتي مالك ذنب في كل اللي حصل وقلت لك دامك دخلتي بيت رجال مطلق لازم يكون عندك قناعه 100% انه في احتمال كبير امورهم تزين وتهدأ ويرجعون لبعض حاولي تتقبلين كل شي واحمدي الله على كل حال

لا تخربين بيتك بيدك بكثرة التفكير ومحاولة نبش الماضي

وارجع اكررها اتمنى ما تكونين مجرد جسر مؤقت وتدفعين ثمن ظلم اهله وضعف شخصيته

ما قدامك الا الصبر

والله يمكن لان الواحد احيانا يضعف ويتنازل عن كرامته ويضحي فيمكن هي تضحي عشان مصلحة عيالهم وانها ماقدرت لحالها عليهم فلا تخافين اللي ربي كاتبه يصير ولاتحزنين اذا رجعها يمكن يصير خير لك ماتدرين يعني اسره تشتت بسبب ظلم احتسبيها عند الله ادري صعبه لكن ماتدرين وش في الغيب من خير لك سواء في الدنيا او الاخره

مع كلام الاخت عواطف تركي واضح يحبها ومتعلق فيها وانت خلي عندك احتماال انه راح يرجعها وتأقلمي على هذا الوضع اهم شي مايقصر معك وعيشي حياتك بهدووووء في بيتك