زوجي وظلمه لزوجته الاولى !!!

السلام عليكم
انا زوجه معدد انا الزوجه الثانيه زوجي  رجل خمسيني  معدد وزوجته اكبر منه ب٣ سنوات  تعمل معلمه وعندهااراتب شهري ومتزوجني بموافقتها ورضاها التام لانهاتعبانه وماهي قادرة تعطيه حقوقه الشرعيه فقالت له روح وتزوج 
الي صار انه كنت مع زوجي بالسياره وقلت له يشبك لي النت من جواله ويرسلي الصور الي صورتهاانا وياه بالمطعم قام قال لي افتحي جوالي وارسليهالنفسك ومسكت جواله وجته رساله من زوجته وجاني فضول وفتحت المحادثه وكانت الصدمه انها تدعي عليه وانه ظالمها ومايصرف عليها ولاعلى عياله ابدا لدرجه تقول له اناشايله كل شي فوق ظهري واناوالله مافي صرافتي شي ماتكمل ال٥٠ ريال الي بصرافتي وطلعنا بنتنا نمشيها ونبغى نبسطها عشان خلصت الاختبارات وي دوب جبنالهاايسكريم وماقدرنااناوولدي نشتري لنا كاسه شاهي !!فرجاء خاص حول على صرافه ولدك الف او١٥٠٠ لانه حرام عليك ماتصرف على عيالك وانته عارف انهم مابيطلبونك ولابيجون يكلمونك وانته تتكي على هذاالشي وانته ربي منعم عليك وفاتحها عليك فااتقي الله وحرام عليك ماتصرف على عيالك لاتبذخ عليهم ولكن اصرف عليهم عالاقل لاني شايله كل شي فوق ظهري وقالت له انامااتصلت عليك لانك راح تقفل الخط بوجهي كالعاده وانا لومعاي فلوس والله مابطلبك شي ولايمكن اني اطلب احد
وبس هذي رسالتها ي بنات
اناجتني صدمه يوم قرريتها لانه مفهمني انه يصرف على بيته وعياله ومومقصر عليهم باي شي ابدا ودايم يمدح زوجته ويطريهابالخير ويقول والله مااذمها شوفيهاغايبه لكن خيرها سابق
وهوانسان يبدو لي انه يخاف الله ودايم يسولف لي عن قصص الظلم وعواقب الظلم وانسان متبحر بالدين وعنده علم واطلاع على قصص الصحابه والانبياء وللامانه هو مدلعني اخر دلع ماديا ومعنويا ومومقصر علي باي شي ابدا لدرجه انه ماشاءالله تبارك الله مستقدم لي خدامه ب١٤ الف ريال ولايقصر علي لابالهدايا ولابالكماليات من الى وماثث لي بيت فخم من افخم شي
انا صرت واقعه بحيره ي بشر وخايفه من عواقب الظلم
واخااف انصحه ولااقدر افتح فمي بحرف واحد له لانه لماح وذكي وداهيه وراح يكتشف اني فتشت جواله وراح ينقلب علي ويقلب عاليها واطيها لوحاولت انصحه اواتكلم معه وبنفس الوقت خايفه ان عقوبه الله تطالني اواكون مشاركه بالظلم مع العلم اني لسه ماكملت ال٤ شهور متزوجته ولاادري وش هالتناقض العجيب فيه وهويحب بنته وولده ويموت عليهم وبنفس،الوقت مقصر عليهم ولايصرف عليهم وعلاقته سيئه مع زوجته لدرجه ان بنته هي الوسيط بينه وبين زوجته واتصلت فيه قبل يومين تساله كم جت فاتورة الكهرباء وقالهاالمبلغ كذا وكذا وراحت وحولت له نص قيمه الفاتورة حقت الكهرباء والباقي هو بيحوله لشركه الكهرباء،وقمت سالته قلت له ليش حولت لك نص القيمه قام يقولي لان اخت زوجته ساكنه بنفس البيت بدور العلوي وسددت النص وهوبيسدد النص ؟! ومشت علي الكذبه وصدقتها لحد ماطحت عالرسايل من زوجته واكتشفت انه يدفعها النص بالنص وشايله كل شي فوق ظهرها ولايصرف على عياله