السلام عليكم
انا متضايقه وابا افضفض اخاف يصيرلي شيء اذا ما فضفضت
انا للاسف تزوجت شخص مطلق وعنده بنت وبالبدايه قالولي اني انا ما بربيها هم بيربونها لكن خدعوني ومن تزوجت رموها علي وخواته كبار مب متزوجات فكانوا يبحثون اي موضوع علشان يسببولي مشكله مع زوجي كانوا كل يوم يرسلون امه تضاربني وكنت متحمله واكتشفت انه زوجي مدخن وانا كنت ارفض المدخنين وعصبي وكان يضربني وكم مره كنت بموت على ايده واهلي كرهوه من فعايله وكنت كل يوم افكر اتطلق بس يبت 3 عيال منه ... وكنت اضحي علشانهم وصار انه اخته دخلت تضرب ولدي وانا دافعت عنه وبعدين ضربنا بعض وريلي ضربني وقف مع اخته وبعدين يت امه واخته وسبوني وشتموني وقالوا اني مقصره مع البنت مع انه الله يشهد كنت اشتريلها نفس ما اشتري لعيالي وادرسها واشلها معاي .. بعدين قلتلهم خلاص انا مايخصني فيها اللي ضايقني انه زوجي وافق على كلامهم ونكر الجميل والحين البنت كبرت وصارت قليله ادب تسبني وتسب عيالي وتضربهم واذا كلمتها راحت خبرت اهله واهله يخبرون زوجي وايي يضاربني انا تعبت وانا اشوف عيالي ينهانون وانا معاهم واهله يحبون يشوفون بنته تضرب عيالي ويشجعونها ويقولولها علي صوتج عليهم وسبي هي قالتلي انهم هم جي يقولولها .. المهم انا تعبت وزوجي مافي فايده مغسول مخه مع اهله .. امس صار نفس الشيء ضربنت بنتي الي عمرها 3 سنوات وكلمتها وصارخت علي قلتلها اطلعي مابا اشوفج خبرت اهله واهله خبروا زوجي بعدين زوجي ضاربني قدام بنته وبنته فرحت واستقوت وانا قلتله مابخليها تضرب عيالي وبسكت قال خليها على كيفها تضربهم وتسوي الي تباه محد يقولها شيء.. وانا قررت هالاحد باذن الله اروح المحكمه وارفع قضية طلاق ضرر شو رايكم ؟والله ما تعرفون القهر الي في قلبي مافي اي احترام
ظلموك واهانوك وتعبوك وعذبوك لكن الله سبحانه ينصرك عليهم صدقيني الله م ينسى عباده وحقك بييك من الله سبحانه صراحه قهروني وانا مالي دخل
بعد الطلاق لازم عيالك يكونون وياك اهم شي اخاف مايرحمونهم تمسكي بعيالك قدر المستطاع اوك حبيبتي
وربي بيعوضك بريال احسن منه بمليون مره انتي اميره تستاهلين كل خير ربيتي بنته وماقصرتي معها وتحملتي سواياهم الله يزاك الف خير