زوجي وعدم المسؤلية والا مبالاه

السلام عليكم

السالفه ومافيها اني ماعاد اتحمل اكثر من طاقتي الله خلق لكل واحد من الزوجين واجباته

احس اني الام والاب وكل شي هذا وانا في بداية حياتي وطفلين صغار

الي عندي مايبي اني اطلبه شي مره والله اني مو راعية طلبات اقسم بالله اقعد بال5ايام مانطلب حتى خبزمن البقاله

يعني مو من النوع جيب حط موفرتله جميع سبل الراحه والدلع والله مااطلع الا نادر اقعد بالاربع خمس ايام مااشوف الشارع وغيري من الحريم كل يوم طالعه

ولا اذكر ارهقته في شي ولا زيارات كثيره وملاهي دايم في بيتي وصاينه نفسي وماسكه عيالي

ونادر في الشهرين مره اطلب غرض من الصيدليه واكون محتاجته

والله العظيم الي خلاني اكتب الموضوع السالفه اليوم الي قهرتني وبغيت اموت بس ربي ستر:44:

اقسم بالله اخر مره رحت العطار الصيف الي فات المهم هوكان طالع طلبته اغراض بسيطه وفي ورقه

الاغراض زيت لشعري وخلطه دايم اشربها اسويها

يعني اغراض مخلصه عندي

وبس جابها وجلست اشكره ومن الكلام جا الليل الا ويقول انتي بس طلبات صيدليه وعطار هو ماعليه من الفلوس بس لعانه
يقول ليش تصبغين لوتركتي الصبغه كان ماتزيتينه بس تقلدون بعض يالحريم

والله زوجي ماكان كذا ومريحته اخر راحه

اه بكيت بحرقه انا الي لي شهور لاشريت لنفسي لاكريمات ولاشي ولا اطلب صيدليه والا عطار الا بالسنه مره

ماشاف الحريم الي غيري مايخلون مكان والله اعرف وحده تقول مستحيل اقعد بيوم في البيت لو نلف بالسياره ونرجع
وانا الي ناقعه في البيت

والله مااطلبه الا محتاجه شي وناقصني مااشتري من دلع اه يالقهر:44:

كنت احسب نفسي مثاليه ومريحته واخرتها يقول انادايم اطلب وهي ماتجي مرتين بالسنه

والله مصدومه والله:44: متحمله كل شي صرت اكره ينقصني شي واكون محتاجته مين يجيبه لي مااحب احد يمن علي

الله يرحم ايامي عند اهلي ااشر بااصبعي كل شي عندي

والله ماادري وش فيه علي هو طيب بس مسؤلية البيت احتياجاتي مين يلبيها لي

انا الي صدمني اني مونفس الكلام الي يقوله وربي حتى جاراتي يقولون ماشالله عليك دايم في البيت ماتطفشين

وحتى مقاضي البيت اذا جا الراتب ونزلنا السوبر ماركت انا الي الف وادور الين اجمعهم وهو يتفرج

واذا قلت جيبها وجابها يتذمر انتي ماتتعبين ويقعد ينكد بدال مايقضي طيب هذا بيتك وانت الرجال المسؤل


مين الصح ومين الغلط

امحق دلوعة زوجهاا:mad:ياليت اغير النك بس