زوجي وعدم ثقته فيني

السلام عليكم ورحمة الله وبركاته
مشكلتي مع زوجي اللي معيشتني بضغط وعذاب نفسي هي عدم ثقته فيني ولفه ودورانه من حولي فوق ما انه مايثق فيني .. يخبي علي كل شيء
لاتقولون يمكن شاف عليك شيء لان من اول اسبوع بعد زواجنا لاحظت عدم ثقته فيني وانا متاكده من نفسي وواثقه
اولها من الجوال كان يقول لي لاتمسكين جوالك واحنا برا ولا بتشوفين شيصير! وبالسوق كان كل ماشاف رجال سحبني من كتفي قدام الناس كأني بنت ماتعرف الحرام والعيب !
وبعدها صار يحرمني من زياراتي لاهلي والطلعه معهم لأي مكان كان يقول لي ماتطلعين مع اهلك لحالك لازم انا معك وشدعوه هذولا اهلي قبل يكون هو زوجي وهم اللي ربوني وحرصوا علي من قبله! يجي وانا كبيره وعقلي براسي يسوي نفسه حريص؟
حتى مصروف بطلعة الروح يعطيني بيدي مايرضى يعطيني حتى لو خمسين ريال بيدي يشوفني ميته على فلوسه كأنه امير وهو عسكري ماعنده الا راتبه وانا اقوله عيني مليانه من قبلك وحتى ابوي كان يعطيني مصروفي بيدي
واخر مشكله صارت وطلقني فيها كان يقول لامه اهلها محضرين عندي كل شوي ويقول عن اهلي انهم مب محترمين وفوق كذا يوم اواجهه باغلاطه ينكر ويكذب دايم هذي حركاته يعني انا جربت اجلس معه واتفاهم بس للاسف مايتقبل اي شيء مني
من اول شهر قال لي الثقه تجي مع الايام سكت قلت يلا ماعليه باقي مايعرفني بس الحين لنا فوق تسع شهور وللحين يقول لي الثقه تجي مع الايام!! ويقول لي انا رجال واقول اي كلمه تجي براسي وانتي تنفذينها بدون نقاش!
كثير يابنات لاحظته يراقبني حتى واحنا برا او حتى يوم يروح للدوام يرجع فجاه كذا كانه ناسي شيء وبعدين يطلع اذا شافني جالسه بالغرفه! انا متاكده انه يراقبني لاتقولون يمكن ويمكن انا عايشه معه وعارفه حتى تويتر وانستقرام وهالبرامج كان يقول لي احذفيها ويخيرني بينه وبين هالبرامج وهي كلها محملها عنده
بناتتتت انا تعبت نفسيتي والله ومادري شسوي
* زوجي عمره 27 سنه وانا 20 سنه