زوجي وعشيقته على سريري....الرجاء تثبيت الموضوع

السلام عليكم ورحمة الله
حبيت اذكر لكم قصتين لزوجتين يندا لها الجبين...الزوجات هن صديقات مقربات لي جدا ووالله اني صادقه بكل حرف اكتبه هنا...الهدف والله هو العظه والعبره...وابي كل وحده تتعظ ولاتفرط في بيتها اذا كان زوجها يمتاز بمميزات حتى لو بسيطه فهناك رجال ليسوا برجال وهنا صنفان منهم...اعاذنا الله واياكن منهم
القصة الاولى:
كلمتني احدى صديقاتي فجرا الساعه الثالثه صباحا وكانت تبكي منهاره
وبدأت حديثها قائلة (وجدت زوجي وعشيقته على سريري وطفلها في صالة بيتي ماذا افعل)
صديقتي هاذي كانت تشك فزوجه وكانت وظيفتها جدااا ممتازه ولديه فرصه ابتعاث خارجي ورفضت الابتعاث خوفا على زوجها من العلاقات...لاتعلم انها لن تحفظه ولن تقوم اخلاقه ابدا...مني لايخشى الله يعمل مايشاء
مرت ايام وشكوكه في زوجها تزيد جوالها لايطفي وجوال اخر في السياره وتجده احيانا يتحدث بدورة المياه اعزكم الله
كان في يوم زواج خالتها وذهبت لتحضر الزواج واتفقت مع زوجها على ان تعود للبيت الساعه الثانيه فجرا...ولكن خططت بنفسها ان ترجع مبكره الساعه ال ١١ ليلا وترى ماذا يفعل زوجها والصدمه ان وجدت طفل يلعب بصاله بيتها عمره سنة ونصف ولما اقتربت لغرفتها سمعت صوت وفتحت الباب ووجدت زوجها وعشيقته على سريرها عاريين
صديقتي هذه اخطأت خطائين الاول ارادت ان تثبت شكوكها ورتبت لذلك وهذا خطأ كبير فادح لانها ان رات ستكسر شيء بداخلها
الامر الثاني انها بقيت مع هذا الزوج الذي تنازلت بسبب مخاوفها من الخيانه عن وظيفتها حفاظا عليه وهي لن تستطيع ان تقوم اخلاقه ولا ان تحفظه ابدا
القصة الثانيه...
عن وحده والله اعرفها عز المعرفه تزوجت واحد ضابط وكلن لو خطب منه يزوجه ... يوم زفافها من الخوف جتها الدورة تمام...وش سوا زوجها؟؟؟....شاف انها عليها الدورة راح ثاني يوم ركب سيارة وسافر لدولة عربيه...هو راعي بنات... عاروس وراح يدور بنات؟؟ مو بس كذا بيعها كل ذهبا ويروح يدور بنات واذا قالت شي ضربها ضرب البين وفوق هذا كلة جوالها كان اخر موديل خذاه منها وعطاها الكشاف لا وبعد ياخذه منها احيانا يكون نايم معها وتطلبه شي يضربها قدام اطفالها ويطلعهم عنها ويقفل الباب عليها بعد مايكون ضاربها... وش اوسخ من كذا الازود والاشر من كذا طلقها واخذ عيالها وخلاهم عند وحده من خواته تربيهم وحرم عيالها منها ... الان اطفاله كلهم فيه سكر ...ولايبون ابوهم بالله كل هذا تحملته المخلوقه شكاك وحابسها ويفعل الحرام وضرب واهانه وتحملت لين طاب خاطره منها وطلقها وقلعها من بيته...
مافي زوج كامل فالدنيا ابداا
في زوج فيه عيوب ممكن نتعايش معها وفيه زوج لايصلح للعيش معه
انا نزلت القصص لان لاحظت كثير ينات يتهجمون ويحرضون
ابيكم تعرفون في واقع امر واشد والعن من واقعكم
لاتزعلون اذا كان مايستجيب كل طلباتك او مشدد عليكي فبعض الامور يبقى زوجك احيانا احسن من غيره
انا ماءايد انك تعيشي معه اذا هو سيء لكن دائما اكتبي سيائته وايجابياته قبل تفكرين بالطلاق
لاتتوقعي اذا تطلقتي بيجيكي واحد زي عمر بن الخطاب رضي الله عنه
مافي احد كامل....
لاحد يهاجمني نزلت القصص للعظه والعبره والتمعن بما لديكن...هل يستحق ان اعيش معه ام لا...أساألي حالك ولاتظلمينه وتظلمين نفسك
وحتى ايجابتك وسلبياتك اكتبيها بورقه وقارني ووازني وصيري حكيمه لاتخلين احد يخرب بيتك...لاتظلمين نفسك ولا اطفالك ولا زوجك
الله يوفق الجميع يارب
لاتنسوني بدعوة صادقه