زوجي وعيادة الاسنان >> ادخلوا الله يرزقكم من حيث لاتحتسبون

السلام عليكم
كيفكم حوائيات انا من متابعين المنتدى واحبة جدااا وبطرح مشكلتي لأول مرة وابي منكم نصايح الله يوفقكم
انا زوجي يشتغل في قطاع صحي وهذي الفترة عندي تسوسات سطحية في اسناني واراجع في خاص وتعرفون تكاليف الخاص وعيادات الاسنان دايماً غالين مشكلتي زوجي حالف وزعلان ومسوي مشاكل ليش تروحين خاص وانا موجود اوديك في الحكومي احسن وبـبلاش
المشكلة المستشفى الي هو فية والي يشتغل فالاسنان طلاب الامتياز تدريبي اكثر شفتهم بعيوني وياما قلي عن اخطائهم الطبية بعذرهم توهم طلبة ولسا مو متمرسين المهنة
المهم فلوسي الي اراجع فيها خاص خلصت مجمعة عندي كم قرش ولما طالبتة يوديني مواعيدي رافض رفض تام
وقتها انفجرت لاني متحملتة من اول لا يوديني ولايعطيني حق الجلسات وقلت لة بروح الحكومي لكن رجّع فلوسي الي دفعتها في ثلاث جلسات فالخاص انت مفروض تنفق علي مو انا اصرف على نفسي وزعل وكبر السالفة وقال تستاهلين انتي طلبتي خاص وانا كنت بوديك حكومي وانو عيب الي قلتة ومافي شي اسمة فلوسي وفلوسك وقال لو رجعتها لاعمرك تطالبيني بفلوس ابدا دام هذا نظامك
هل انا غلطانة ي بنات اني طالبتة بالي دفعتة حسسني اني قلت مصيبة ؟؟ بالعلم انو مو بخيل ومايقصر لكن مايحب التعامل الا بالحكومي حتى ولادتي ولدتني طالبة امتياز
لكن اسناني مابفرط فيها يلعبون علي يقول الخاص نصابين هذي فكرتة عنهم وانا الحكومي تدريبي رفضتة لانة طلاب امتياز مو دكاترة والشي الثاني انا دفعت فالخاص ومواعيدي بطللوع الروح يوديني والشي الثالث يقلخليهم يتدربون فيك عادي فيدي غيرك واستفيدي والله انقهرت من كلامة وهو الي خلاني انفجر واسوي مشكلة معاه
شوروا علي الله يوفقكم شسوي معاة ماينفع معة الكلام ابدا
وتذكروا قول الرسول اللهم صل وسلم علية
قل خيراً او اصمت >> بما معناة