مساكم الله بالخير أخواتي العزيزات عضوات حواء
اخواتي ابقولكم مشكلتي واملي بعد الله فيكم تشورون علي
انا زوجي له عيال من زوجه اخرى طلقها بنت ولد البنت رابع والولد ثاني ابتدائي
وانا عندي 5 بنتين و3اولاد الله يحفظهم جميع من كل شر
عيال زوجي عايشين مع امهم لانها ماتزوجت وهم في مدينه ثانيه بس تقريبا كل او اسبوعين او ثلاث يجون يقعدون عندنا
اربعاء وخميس وبعد صلاة الجمعه يروحون لامهم.
.
والاجازات اول الاجازه ونصفها واخرها كلها يجون عندنا ورمضان والعيد يعني دايم ابوهم يشوفهم وانا والحمدلله اعاملهم بمايرضي الله
ماعمري غلطت عليهم اوآذيتهم بشي او حرضت ابوهم عليهم مع انهم مزعجين جدا الله يصلحهم خاصة اذا اجتمعوا مع عيالي انواع
الإزعاج يلعبون يخربون يكبون ويحوسون في المطبخ ويسوون اندومي وانواع الحوسه مااقول ان عيالي مايسوون شي كلهم جميع بس عيالي
تزيد شقاوتهم وخرابهم اذا جووا اخوانهم ومايسمعون كلامي ابد
اقولهم اذا جوا اخوانكم لا تحوسون البيت وخلكم مؤدبين هم يسوون مثلكم ولا تلعبون بالكره في البيت يقولون طيب ياماما ان شاء الله واذا جوا ولا كأني قلت شيء اذن من طين واذن من عجين بس يشهد الله علي ماعمري هاوشت عيال زوجي اوقلت لهم شي بالعكس اراعي نفسيتهم وانهم محرومين من ابوهم
وانا عندي شغاله بس اذا جوا تطفش مره لانهم يحوسون الدنيا وملابس منثره وحاله وهي اللي تنظف الى حد هنا عادي ممكن اتحمل بس المشكله ان امهم اهلها يدورن على اخبارنا على طول وهذا الكلام انا اعرفه من قبل لا تتطلق اعرف طبعها واذا عرفوا عني شي على طول ينشرونها مع الناس اي شي حاطينا تحت عيونهم يحبون يعرفون وين رحنا وين جينا وش شرينا وش اكلنا وش نقول كل شي
والمشكله بنتها الكبيره كل شي تنقله لأمها اي كلام نقوله او اي شي نسويه يعني البنت تجي وهي مفتحه عيونها وأذونها لكل صغيره وكبيره تصير وبعدين اسمع من الناس انه صار كذا وكذا عندكم ..والتماشي نادرا مايودينا ابونا عشان نتمشى لانه دايم مشغول واذا بيودينا يروح يجيب عياله او يكلم احد يجيبهم عشان يتمشون معنا تمشيه عاديه جدا احيانا طلعه في البر ..
عادي انهم يروحون معنا لكن مو دايم والله انواع الصجه والرجه ماارتاح ابد لا من عيالي ولا منهم واذا طلبت شي من ابوهم اشوفهم يعاندون يبون شي عكس كلامي ويصرون على ابوهم ويسوي لهم اللي يبون ويطنشني..
وكل وقته معهم يسولف ويضحك معهم وانا ماعاد لي مكان ..واذا بيسولف معي يتكلم عنهم وعن وناستهم طيب ماقلنا شي عيالك بس انا وين من هذا كله مالي حق اخذ راحتي مع زوجي وعيالي وكم مره اقوله طلعني على الأقل طلعات لي انا لحالي والباقي مع الأولاد يقول طيب طيب ويسحب علي ..وهذا كله كوم وان التمشيه هذي كل يدري عنها ام عيال زوجي واهلها كلهم كثيرين واهل زوجي واخواته وامه وكل العالم تدري انا ذيك الساعه تمشينا وماارجع من التمشيه الى نتزاعل انا وياه
هذا غير ان الناس واهل زوجي يقولون علينا انتم ماتخلون مكان دايم تمشون حتى مافيه ماشاء الله..
كل شي في حياتي ينقلونها هالبزران انا احترت ماادري وش اسوي مااقدر امنع ابوهم لا يجيبهم عندي وماادري وش اسوي ..
المشكله الجديده هالحين بيني وبين زوجي انا لنا 3سنين نخطط لسفره خارج المملكه وانا عيالي كبار ماعدا 2 الصغار بنتي وولدي 4و8سنين
ويالله اقتنع يودينا وكلنا فرحانين لكن صدمني لما قالي اني بآخذ عيالي الثانين معي
انا هنا انهرت يعني السفره اللي من زمان ابيها تآخذ معي درزن بزارين يبي لهم رعايه واهتمام وغسل ملابس وغيارات وهذا كله كوم والازعاج والصجه اللي يسونها كوم
وطبعا تقارير الرحله من الاقلاع الى الرجوع الى مقرنا ان شاء الله سالمين بتكون عند ام البزران واهلها اول باول بالله قولوا لي وش اسوي تعب والله وقلت له انا مااقدر عطني حريتي لو مره ابي يآخذ راحتي مع زوجي وعيالي بدون ازعاج بدون حساسيات لان ابوهم يصير حساس جدا من ناحيتهم ويراعيهم بزياده ويهاوش اخوانهم لو تهاوشوا والا شي او شروا شي مثلا اخذ واحد ماآخذ الثاني مع انا مايقصرون عيالي مع اخوانهم كل شي يبدونهم على انفسهم بس احيانا اذا طولوا عندنا لازم يتضاربون وهذا طبع البزارين كلهم بس ابوهم مايقدرهالشي ..
هالحين ابي رايكم بصراحه كل وحده تحط نفسها مكاني وتقول لوهي في نفس وضعي وش تسوي توافق يآخذعياله معها اولا مع العلم انه رافض يسفرني لحالي
وايش الحل في نظركم ؟؟؟هو مصر وانا مااقدر أتحمل صراحه..
ولو سمحتوابدون تجريح مااحب ذا الأسلوب ابدا..
شيخة الزين&& @shykh_alzynampamp
عضوة جديدة
يلزم عليك تسجيل الدخول أولًا لكتابة تعليق.
الله يعينك بصراحة لازم تصرين على موقفك
او قوليلة سفرهم اي مدينة لحالهم بعدين انا وعيالي
ولاتنسين اكثري من الاستغفار
او قوليلة سفرهم اي مدينة لحالهم بعدين انا وعيالي
ولاتنسين اكثري من الاستغفار
الصفحة الأخيرة
حتى لو انهم عيالك بيصيرون هم السالفه بالطلعه والدخله
انا وهم عيالي كل المواضيع تدور حولهم
مافيه بيننا سواليف خاصه
وانا اقترح انك تخلينهم كلهم بس انتي وزوجك روحي وغيري جو ولا تطولين اسبوع اجلسي