السلام عليكم
بدخل بالموضوع على طول
يابنات انا متزوجة من 6 سنوات تقريبا وعندي بنت عمرها 4 سنوات الله يخليها لي ويحفظها وانا الحين حامل توني في البدايه .... وزوجي طيب ومحترم ومحبوب من كل الناس بس عليه تصرفات تنرفززززززززز
مثلاً .... انا حاليا ساكنه في بيت أهلي وسبق ونزلت مواضيع عن مشكلتي يعني انا متنازله عن اشياء كثيرررررررره بسبب ظروفه قبل كنت اشتري من الغالي والحين عادي اشتري اشياء رخيصه على شانه كل ماشفت شي عجبني اقول لا خلاص ما ابي اضغط عليك بعدين اشتريه او اقول ودي فيه حيييييييل بس غالي وكل كذا الييييييين تعود انه يستغلي كل شي فيني كل شي قام يقولي غالي وماله داعي تشتري بهالسعر مع انه من اول ماتزوجته هذا كلامه لانه اهله مايشتروا اشياء غاليه بس انا صرت كذا لاني اقدر ظروفه بس المشكله انه تعود واذا قلت له بروح السوق ناقصتني اغراض كثيره يقول ليش ومايحتاج وماله داعي والدولاب مليان ملابس وانا مو مقصر عليك بشي دائما هالكلمة على لسانه كل هالتقصير ويقولي مو مقصر ... المهم بعد حنه وهذره يقولي خلاص روحي وانتي وضميرك تخيلوا شمسويه انا .... وما اقوله بروح الا وحاسه انه مقتدر شوي هالشهر هذا ... وبعد فتره طويله مو مثل اللي كل شهر بالسوق ويتقضون المهم اروح واشتري لي وبعدها كل يوم يذكرني ماله داعي تشتري مره ثانيه مافيه ملابس ولا سوق لو ابوي بيتزوج تعتذري عن الزواج مافي زواجات ولا مناسبات ولاشي كافي مخاسير والله اطفش احس بالمنة ... يعطيني بالموت ويمن علي احيانا اقول مابي منك شي باخذ من حسابي ابوي مو مخلي علي قاصر يقولي ماتحركي حسابك ولا شي انا فعلا مابي اخذ انحرج من ابوي لانه انا عندي زوج مسؤؤل عني ليش اخذ من عند ابوي بس في المقابل ما احب احد يذلني عشان 500 ريال لاراحت ولاجت ... وهذا حقي هو واجب عليه يصرف علي وينفق علي ويسكني انا الحين ساكنه عند اهلي واكل واشرب معهم وفوق هذا حتى مصروف بالحسره مدري شسوي معه
حتى خطوبة اخوه قبل شهر تقريباً لبست فستان من عندي ماشريت وانا احط لي مكياج واسوي شعري لارحت مشغل ولاشريت فساتين مثل خواته يعني ماتكلفت ابد اصلا من تزوجته ماعمري رحت مشغل واذا بروح من فلوسي وفوق هذا يمن علي
انا ما مابي اظلمه هو مو بخيل يضيع فلوسه عادي ويشتري لنا كل شي يجيب لي ولبنته على طول ناكل من المطعم ويجيب كل شي نحتاجه وبرحابة صدر بس اشياء ثانيه لاااااااا مدري وش هالعقدة اقوله الحياة مو بس اكل ...وكل يقول انا مو مقصر عليكم في شي اقوله في الاكل ايه مو مقصر بس حاجات ثانيه مقصر ونص ولاحياة لمن تنادي اقول يمكن لين تتحسن ظروفه يتغير بس ما اتوقع احسه تعود على اني ما اطلب واذا طلبت يستكثر علي لو القليل يعني الحين 6 سنوات كفاية تضحيه اقوله المفروض تعوضني وتقولي ماقصرتي واقفه معي طول هالمده جى الوقت اللي بعوضك فيه تستاهلي هو ولا شي ....
غير هذا والادهى والامر غيرته المرضيه على طول مدقق على لبسي مع اني متستره ولله الحمد ومن بيت محافظ البس عبايه على الراس وجواريب محترمه نفسي بس مو عاجبه رافض اني البس برقع رفضا باتاً وانا البسه واغطيه ما اخلي عيوني تبين لو بين شي خفيف جدا لازم عليها شيله بس على طول يهذر نزلي عيونك ومدري شنو والله يلعن البرقع ومستحيل يشوفني وانا لابسته البسه مو يمه واطلع لان لو بيشوفني بيعصب وبيقول ليش لابسه ومحاضره من جديد كأنه مايدري ومو في كل مكان البسه ممنوع في بيت اهله البسه وعند كل اهله بعد بحكم انه هم مايلبسوا وانا بصير غير عنهم ... مع انه بس خواته مايلبسوا والا باقي اهله من خالاته وعماته يلبسو ومفتوح وعبايات كتف ولا جواريب ولا هم يحزنون ماقال شي هذا هو يموت فيهم ولو ارفض ماازورهم مو مشتهيه او مالي خلق يقوم الدنيا على راسي ... اذا كلمت البياع في السوق انا ما اكلمهم بس الحين تعودت شوي لانه اقول اسأله فيه كذا او كذا اطفش من كثر ما اقول الكلام وهو يعيده واحيانا مايرضى يقوله اقوله مثلا فيه الوان يقول هذا كل شي قدامك مايحتاج اسأله انا اقوم عناد واسأل يرفع غطي شيقول انتي قليلة حيا وماتستحي تكلمي الرجال والله يقهرررررررر ليش شمسويه انا سولفت معه كلمته عن شي بشتريه وبكل احترام هذا انت تشتغل في مستشفى ومع بنات عمري ماتكلمت ولا قلت شي بلعكس واثقه فيه والله قبل افكر من حبه لي يغيررر علي بس الحين قمت افكر انه مريض وغيرته وشكه غير طبيعي ... كل يقولي استري نفسك الرجال تطالعك تونا من ليلتين واقف عند مطعم يجيب عشا قال مايصلح اوقف قبال المطعم على طول كل رجال راح وقف في جنب ومكان ظلمة شوي عشان ماحد يشوفني ... وبنتي تصيح تبي تروح معه مارضى ياخذها المهم تاخر شوي هي طفشت وفتحت النافذه اللي جنبي وقعدت تطالع الى ماجى ما اشوفه الا راكب معصب ويفحط بنا للبيت انتي ماتستحي الحين انا موقف فيك بعيد عن الرجال وتقومي تفتحي النافذه عشان يطالعوك رديت عليه قلت له بس خلاص عاد مايصر كذا خفف من غيرتك واسلوبك ليش انا شمسويه متغطيه ومحترمه نفسي ومايبين حتى ظفري ليش ما استحي ويعني بس انا اللي الرجال بتطالعني وبنتك اللي فتحتها وش صار يعني جريمة ... كافي نكد مانطلع الا وتخترع شي تعصب عليه وتتنرفز على طول يعصب الف ويدرور فينا ويرجعنا ماعنده وقت في اليوم الواحد الف مصيبه يهذر عليها وكل شي مو عاجبه
واذا رحت بيت جدتي كل خالاتي يجتمعوا ليلة الجمعه انا اقوله بروح يقول روحي وساعه او احيانا نص ساعه وارجعي ويجي ياخنا اقوله كلهم متزوجات وازواجهم ماقالوا لهم قوموا يسهروا الى 1 و2 عادي وفي منهم وحده عروس توها متزوجه زوجها مايقولها قومي الا انت واقوله لو تبيني ارجع حبا فيني على عيني وعلى راسي الا عناد شكله مايبيني استانس يرجعنا وهو ساكت ومبرطم وبس يطالع التلفزيون والا على الكمبيوتر ومبوز ولا يعطينا وجه اجل ليش جبتني خليتني جالسه جنبهم ومبسوطه والله شي يقهر
ومع كل هذا طيب وبسرعه ينسى ولا كأنه مسوي شي وهذا اللي مخليني اتحمل
قولي كيف اتصرفه معه بالله عليكم واعتذر على الآطاله
انتظر ردودكم
:26:
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
wardah33
•
الله يعينج مالج غير انج تدعين الله يسخره لكم ويهديه
ياعيوني اسمحيلي
لازم زوجك يتحمل مسؤليتكم
هو لما قعدك عند اهلك ارتاح ووسع خاطره
اهلك مو مسؤولين منك عقب الزواج
كمان عشان ماعاد يمون على اهلك
لازم تستقلي ببيت خاص فيكي
لازم زوجك يتحمل مسؤليتكم
هو لما قعدك عند اهلك ارتاح ووسع خاطره
اهلك مو مسؤولين منك عقب الزواج
كمان عشان ماعاد يمون على اهلك
لازم تستقلي ببيت خاص فيكي
الصفحة الأخيرة