زوجي وفرلي كل شي وتزوج علي وحده اكبر مني / استوفى الردود

ماني مرتاحه من الداخل واحس بنقص كبييييييير
من يوم تزوج علي حتى صرت ضعيفة شخصيه ومجروحه
وماعاد احس للحياة طعم ولا لووون
واهملت عيالي وبيتي واتعزلت الناااااس
واعتقد انو الحريم في داخلهم يتحسرو عليه ويقولو مسكينه تزوج عليها وهي لسى صغيره
وترى هو موفر لي كل شي بيت ملك باسم عيالي ومصروف شهري ومواصلات وكل شي
بس قلبي مو مرتاااااح
حتى لو البس واشتري في انكسااااااااار وحتى الضحك والله نسيته
وهو عادل بيننا ويجي عندي في يومها عشان يشوف اولاده
ويتطمن عليهم
وترى ناله عذر يوم تزوج بس كذا كيد حريم من طرف اهله حسبي الله عليهم
وتوي والده من شهر واهملت نفسي بالنفاس وطنشت الدنيا كلها
وعارفه اني خربت على نفسي يوم نا اهتميت
وعطاني فلوس قالي روحي اشتري الي تبغي من السوق وروحي المشغل غيري الوك
تصدقون اني عطيت نصها عيالي
مالي نفس اشتري لو خيط
واهملت بيتي بيتي صاير زباااااله مع انو عفشي كله جديد مالي سنتين ساكنه
والملابس مرميه في كل مكان اقولكم كرهت كل شي وماعاد لي نفس
ابغى منكم نصيحه يمكن افوق من الصدمه الي انا فيها ويروح شعور النقص والانكسار
وترى عمري 30سنه وهو 38
وعندي خمسه اطفال
وزوجته منفصله وعندها اطفال من طليقها وعمره 38
قده بالعمر
ما أدري ايش الي طمس على قلبه وتزوووج