زوجي وفرلي كل شي وتزوج علي وحده اكبر مني / استوفى الردود

beautiful girls • 12 سنة

بقولك شي ترا الي تسوينه ما ضار الا انتي , والله ما احد بينفعك لا هو ولا غيره
انتهي تستمرين بهالوضع لانك جالسه تدمرين نفسك بنفسك ومصيرك تندمين على ايامك الي ضيعتيها وصحتك اهتمي بنفسك وعيالك وصحتك وفكري بسعادتك زواجه مو اخر الدنيا عشان تدفنين نفسك بالحياء عيشي حياتك ولا تخلينه محور اهتمامك اطلعي وشوفي الناس واختلطي فيهم واهتمي بعيالك واحمدي ربك انه عادل بينكم غيره يتزوج وينهبل وينسى عياله وغيره يخون وغيره يشرب ويضرب .. وخلي القرآن والاستغفار على لسانك في اوقات ضيقتك وحزنك وبتشوفين كيف ربي يشرح صدرك

beautiful girls • 12 سنة

& حبيبة زوجها & :

ياسلام ياقلبي خليه يجي يشوف عندك الوسخ والطفش والوجه العبوس وطبعا هي ماصدقت احد ضفها وتزوجها تلاقينها فارشتله الارض حرير ومدلعته والابتسامه والبخور والعطور تلحلحي تنظفي ضبطي نفسك خوذي لك كورس نفاس ونفسي نفسك زين حتى لو خلص نفاسك بخري وعطري وانزززفي فلوسه نزف لاتخلين عنده ولا تبقين اللحين الكوره بملعبك يبي يرضيك عشانه تزوج عليك خذيلك شغاله عندك بالبيت خليه يستقدم لك انتي وعيالك اولى بالفلوس انتم الاولين وخليه يحط لك سواق ايه لو يستاجره اجار يجيكم بالايام اللي زوجك مو عندك وانزلي السوق تقضي وفليها مصيره يمل منها ويكبها اذا كان متزوجها لغرض في نفسه بس زي ماقلت لك سنعي عمرك وانزفي فلوسه نزف لاتخلين في خاطرك شي اشتري كل حالي وغالي

ياسلام ياقلبي خليه يجي يشوف عندك الوسخ والطفش والوجه العبوس وطبعا هي ماصدقت احد ضفها وتزوجها...

عندي لك نصيحه اذا كنتي متزوجه لا تأمنين الدنيا زوجك يمكن مايدوم لك ويجي يوم تتطلقين او تترملين بعيد الشر وتاخذين متزوج ترضين احد يقول عنك هالكلام ! لاتقولين مستحيل ما بين غمضه عين تتغير الاحوال اتقو الله في كل كلمه تكتبونها ما تخافين تشوف ردك زوجه ثانيه ربي كتب لها تاخذ متزوج وتدعي عليك ؟ ترا الدنيا دواره والبنت ما شكت من ضرتها عشان ترمين مثل هالكلام والي تتزوج متزوج ترا هالشي مكتوب لها من يوم كانت في بطن امها

راح أكثر العمر • 12 سنة

اولا مبروك ماجالك وثانيا احمدي ربك ان جبر مصيبتك بان رزقك ذرية واخرها طفلك غيرك يتمنى ظفر طفل ماعطاه ربي وانك شابة اصغر منها تخيلي لو تزوج عليك وانتي عقيم وكبيرة هنا الموت .انا مالومك وحاسة فيك لكن بنصحك باللي شفته في حياة من حولي .اولا وقبل كل شي اعتزلي جمعات النساء حاليا مسايير وعزايم على الاقل لين يبرد شوي موضوع زواجه او يجي موضوع ثاني تشتغل فية الناس لكن حاولي ما تبينين سبب انقطاعك يعني تعذري باشياء اخرى بروح عند اهلي معزومة وكذا وحاولي قد ما تقدرين ما تردين على اغلب اتصالات الحريم تدرين ليش لانهم مايصدقون يلقون جنازة عشان يشبعون فيها لطم ويحرقونك حرق بالكلام اللي تقول انتي وش ناقصك واللي تقول الحرمة الضعيفه مالها حظ واللي تقول ليش بعدك جالسة ارمي عياله وروحي لاهلك واللي تقول واللي واللي ....الخ واذا صادفت وحدة بمجلس وفتحت سيرة زواج زوجك قفليها على طول ولا تسبينه قولي لاحد يسبة ولا احد يدعي علية ماسوى حرام والحمدلله ماقصر علي بشيء قوليها ولو انك محروقه عشان تكتمينهم لكن لا تقولينها والدموع بعينك لا خليك متماسكة وقوية ولو بس قدامهم وبالذات اهل زوجك كان لهم يد في زواجة .ولاتسبينة ابدا وادعي له قدامهم قولي الله يحفظة لعيالة ثانيا لا تشكين لغير ربك انتي ما تقولين تبغين تروحين تصيحين بصحراء انا اقول لك صيحي في سجودك وكان قدرت روحي مكة واجلسي فيها قد ما تقدرين وفلوسك اللي عطاك اياها زوجك للسوق لا تلعبين فيها ولا تعطينها عيالك استاجري بمكةو تصدقي كل يوم منها وابكي وادعي ابكي وادعي وثالثا دموعك هذي خلي امك تشوفها واطلبيها تدعي لك ان الله يسخرة لك وان يرده لك رد جميل ويكفيك في من سعى في خراب بيتك فوالله ثم والله ثم والله ثم والله ماترد عنك دعوة والديك ولتشوفين الفرج قدام عينك بس بريها واطلبي دعاها.بعدين احذري تهملين بيتك ونفسك ادري محروقه لكن اصبري وقوم رتبي بيتك ونظفية وانتي تشتغلين ابكي وادعي واستغفري ترى ربك رحيم ومايدريك ان هذي نعمة ؟لك وليست نقمة عشان ربي يردك لك.واكثري من النوافل .وحاولي قد ما تقدرين ما تخربين بيتك فهمتي. ونصيحه اخيرة احد يشوفك طبعا خير امك وخواتك ونتي حالك مبهذل ولبسك موكشخه ومرتب سمعتي انتبهي

ليه يازماني • 12 سنة

ياقلبي عليك ادري موقفك يقهر بس وانا خيتك لاتوقف حياتك على زوجك
شوفيه متزوج ومنبسط وعايش حياته والله ياهووووو فرحان يوم يشوف حالتك
اسمعي وانا خيتك نظفي بيتك وسنعي عمرك والزمي الدعاء والاستغفار ولاجاك البسي وتكشخي واثقلي ووريه انك مبسوطه ومرتاحه وانك فالتها وقولي له البارح سهرت واليوم بزور جاراتي والله ياهو بيموت من الحره نصيحه مجربه سوتها جارت خالة زوجي زوجها انجن وكل شوي وهو طاب عندها
الله يشرح قلبك ويطمنه

leen2010 • 12 سنة

مقدرة وضعك حبيبتي بس اتوقع انه اكتئاب مابعد الولاده روحي لطبيبه بتساعدك وانت بترتاحين لانك بتفضفضين لها وحاولي تشغلين نفسك لاتعطبن لنفسك مجال انك تفكرين فيه ابدا دوري لك وظيفة او دورة اي شي يسلليك وجيبي لك شغاله وريحي عمرك