زوجي وفلوسه اللي تغطي الشمس ماشالله

يسعد صباحكم حوائيات ،،
باقولكم سالفتي وانتو احكمو ولو كنتو مكاني وش تسووون ،،
المهم الحمدلله زوجي ربي رازقه وفاتحها عليه تزوجت كان وضعه عادي بس مع السنين توسعت تجارته وزادت الفلوس ،، اللحين صار يمشي ويصرف الفلوس بالهبل للي يسوى واللي مايسوى وكل هالصرف يكون برى بيته طبعا ،، اخته المتزوجه تبي شنطه بمبلغ ٥٠٠٠ وزوجها رافض يشتري يقولها طيب ويعطيها ،، اخوه يبي يغير كنب في بيته يقوله اعطني يقوله ابشر ،،صاحبه يبي سلف ولاعاد يرجعه يقوله ابشر،، ابوه يقوله رمم بيت قديم عشان نأجزه يقوله ابشر ،، اخته تقوله ابي اسوي عمليه تجميل يقولها ابشري ويعطيها مبلغ وقدره ،، امه شهريا تطلبه ربع راتبه والمبلغ مو سهل وجايب لاهله خدامه وسواق ،،اخته موظفه وهم بعد مستغله الوضع ومايمر شهر الا وطلبته فوق ال٣٠٠٠ ريال اخته تبي تسوي حفله ميلاذ وتبي كيكه ب٤٠٠٠ يقول حاضر ،، اخوه يبي يملك لبنته في قاعه فخمه يطلبه يدفع يقول ابشر ،،يعني اهله مستغلينه ويتمتعون بفلوسه بقوووه
وانا حياتي عاااديه جدا بيت متواضع لاخدامه ولاسواق ولامصروف هذا غير ذهبي اللي اخذه يوم كان محتاج ولاعاد شفته ،، وعيالي محتاجين طبيب اسنان وماعندنا فالمنطقه الا مستوصف خاص ورافض يوديهم يقول ليه اصرف فلوس عالفاضي نوديهم حكومي فالمنطقه اللي جنبنا 😤هو للامانه مو بخيل معانا وعايشين على قدنا بس اذا احتجنا غرض للبيت مايشتري على سيره الا بعد ماازن واحن فوق راسه شهور المفروض اعيش حياه افضل دام ربي منعم علينا ،،ثلاث ارباع راتبه لاهله واخواته واخوانه وينصرف في اشياء تافهه والربع لنا 😏
قلت له بفلوسك ذي متعني انا وعيالي واخواتك كل وحده زوجها مسؤول عنها واخوانك كل واحد راتبه بيده ،، المفروض عندي الخدم واسافر واستانس واشتري الماركات ،،وابي مصروف شهري طبعا ماعجبه كلامي وراح ينام وخلاني 🌚