زوجي وفلوسي

بنات اكتبلكم وانا مقهوره من زوجي الله يسامحه انا عندي مصدر دخل بالشهر طبعا مو من عند زوجي وتنزل ع صرافتي والصرافه حاطتها برقم زوجي من ايام حافز >> ادري بتقولون خبله 😔😂
لان هو طلب احط رقمه الموهمم مصدر الدخل هاذا له تقريبا حول ثلاث سنين وم استفدت منه شي كل م نزلت لي الفلوس ابلشني عندها هاتي عطيني وكل م جات الفلوس يطلع لي بشي جديد كفر ضرب علي فجاءه مرا يقول واحد طلبني فلوسه والراتب م جاء ليته يرجعها الا تروح م ترجع اهم شي ياخذها للامانه زوجي طيب وم يقصر ع البيت اذا عنده فلوس بس حاليا عليه ديون وراتبه زين الحمدلله م شالله وانا م قصرت معاه طول سنيني من اتزوجت اخذ ذهبي وم رجعه وسكت وجاء حافز الاول وأخذه وحافز الثاني انا اشتريت اغراض للبيت هو ساعدني م قصر بس الاحظ عليه م يحب تكون معايا فلوس خاصه يحب اصرفها ع البيت واذا رفضت يزعل ويطنقر ويهدد م اعطيك م اجيب لك ويقصر علي يبغاني اصرفها واذا خلصت م يقصر ع عياله والبيت لا تقولون لايدري عارف كل شي وكل ريال يدخل علي يرتاح اذا م معاي فلوس قهرني قهر نفسي اجمع لي كم ريال وأشتري لي اغراض ناقصتني م يخلي لي فرصه كل شهر يجيب عذر عشان يخلصها والله اكتب لكم وهو مطنقر يبغى الفلوس اللي بالصرافه لان م صرفتها مدري كيف اتعامل معاه ليته يتكلم بالطيب اول شي يحاول واذا شافني رفضت يجلس يهدد وبذات اني داخله جمعيه لي كم شهر وادفعها من مصروفي اللي من زوجي يقول من الشهر الجاي مالك ريال عندي بالله كيف اتعامل معاه ودي فلوسي تكون خاصه اجمع ع كيفي وأشتري اللي ابغى بذات ان لها كم سنه م استفدت شي كلها له ولبيته وعياله واذا فهمته ابغى اجمع لي م يفهم انا محتاج ليش تجمعين ويجلس يشكي لي واذا م عطيتيه يعصب
واذا خلصت فلوسي سبحان الله م يحتاج يدبر نفسه بنفسه وأحسه يرتاح بس معاي لو هلله يحتك علي
ولا يشكر اذا قلت انا م قصرت معاك طول هالسنين اعطيك ولا ترجع يقول لبيتك وعيالك زي م انا اعطيك حاس انو واجب علي أساعده مو تكرم مني مدري هو استغلال او نذاله احس فلوسي تروح مني غصبن عني نفسي ب اغراض م قدرت اجمع محسسني بخيله ومقصره ولا يقول فلوسها ودها بشي لها م قصرت طول هالسنين جزاها الله خير حتى مرات من تكون معاه فلوس يتشرط ب الاكل نبغى غدا ع حسابك وده يطلعها باي طريقه اللي تقدر تفيدني بطريقه ولها دعوه


معليش خربطت شوي بسبب جوالي خربان وثقيل المعذره والسموحه