زوجي وقراري المصيري

سلام عليكم ...صباح الخير/مساء الخير
بنات انا ابغى استشيركم بقرار مصيري لان خلاص طفح الكيل عندي والله 

زووجي ا ه من زوجي انسان غريب متناقض انا افكر بالطلاق بشكل جدي الان بس قلت خليني استشير واشوف لان الموضوع ماابغاه يطلع وانا ماقررت لسه طبعا يابنات انا متزوجه ليا قريب خمس سنوات زوجي طبعه شيييين يعني بجد ماتعرفين تتعاملين معاه اول شي بأذكر ايجابيته اللي صرت مااشوفها من كثر غلبي معاه...زوجي بيتوتي ماعنده حركات السهر والاستراحه لوقت متأخر ويساعد فالبيت اذا كنت تعبانه بس بعدين يطلعها من عيني امممم ماعنده خرابيط الحمدالله طبعا مدخن وكتمني الله يهديه وحاليا يحاول اذا دخن يبعد لان تعبت من ريحته اللي ماكنت اعرفها قبل الزواج اذا جاته فلوس مايقصر معاي بس بحدود يعني مومرتاحه ماديااا ابدا وكنت فببت اهلي افضل من ذحين لواتعب لو جات مناسبه فجأه هم شي حاليا لا صرت اشيل هم والله ..طبعا ماعندي اطفال والسبب منه والحمدالله على كل حاال راضيه لانه بيد رب العالمين بس اللي مومخليني ارضى هو بروده وعدم حماسه للعلاج اتسلف من فلان وعلان عشان علاجات وبالاخير يحطمني ومايكمل حتى الحكومي يتشرط مايبغاه مستخسر يروح يطلب تحويل للتخصصي ....طبعا شبه عاطل لان جاتله ظروف وماقدر يكمل دراسته على قولته ......اللي مخليني افكر بالطلاق اكثر هو طببعه الشين النق يابنات جنني بالنق يحب يتفلسف على راسي ويده طوووويله وانا اذا مد يده مديت يدي يعني فوق اني مضغوطه ومتحمله المطلوب مني كمان اني اسااايره طول الوقت خرجاتي بالترجي ومرات يطلب مني ابوس يده ووو يعني يحللني وانا ياحسره فين اروح يادوب كلها جمعات عائليه اطلع من الهم اللي انا فيه كل مضاربه قويه تصير بيننا يجي يعتذر ويخليني اطلع اللي بقلببي ويتحمل الاخ لان خلاص طلع حرته فيا ....تخيلوا يابنات لماا اشوفه متظايق اسأله اشفيك حبيبي يقول انا مومرتااح معاكي لسانك طويل ههههه والله اجلس اضحك اقول الله يصلح حالك اعوذبالله مو راضي يشيلني من راسه حااقد علي مدري ليش وحاقد عالحريم كلهم يكرههم ماخذ فكره غلط عن الحريم لأن اللي فهمت من بعض قريباته انه عاش حياه متعبه شوي وهو صغير بسبب مشاكل حريم المهم انا تعبببت وودي اتطلق بس خايفه من الطلاق وخايفه استمر بنفس الوقت خايفه اندم بالله بنات انصحوني وترى هو كذا من قبل مايحلل يعني هذا طبع وانا فعلا مومتحمله..
دعواتكم ونصايحكم الله يسعدكم