زوجته لا تدخلينها في الموضوع ثم لو يصير شي بينهم تطيح فوق راسك وتصيرين انت الشريه اللي خربت
وخلاص زوجك مهو فاتحها
واذا احد بيتكلم يتكلم زوجك معه على الخاص افضل ويفهمه ان الاثم عليه لكل من شافها وتفرج عليها وارسلها وكل اللي تنرسل له ايضا

ادعيله بالهدايه ولا توصلين الموضوع لزوجته ممكن تشك فيك انك بعد معهم فالقروب او شئ تجنبي نصيحه قد ماتقدرين

تبين تكلمين زوجته اوخواته عشان يربونه ويعقلونه !!
ههههههه
معليش هذا مو من باب النصيحه وانكار المنكر
انتي همك ( زوجك ) والباقي بحريقه ما فكرتي اصلا وش ممكن يصير بعد ما تقولين لهم وش المشاكل الي بتصير
يمكن تنقلب السالفه عليك ويقلبون زوجك بكبره عليك وتحلمين بعدها تمسكين جواله
الله يعطيك على قد نيتك هذا اولا
ثانيا لو زوجك مو مبسوط ما جلس في القروب دقيقه او ع الاقل نصحه مره مرتين ثلاث بعد كل مقطع لين يتوب او انكر المنكر هو واخووانه ترا يقدرون ليه ما يقدر يقوله ياخوي مايجوز الي ترسله !! مبدأ اخوي الكبير موجود وساكت انا ليه اتكلم بأي دين ؟ من متى كان انكار المنكر لازم يكون من الكبير فقط
بس زوجك مبسوووووووط يمتع ناظره شوي بعدين يقولك تعالي احذفي بعد ما يتفرج ( وكأنه الاوطه المغمضه ) ترا لو فيه خوف من الله كان انكر على اخوه ونصحه ما تحجج اني ما اقدر واخوي الكبير ساكت ما اتوقع القروب اهم من رضا الله ولا ؟

الي تقولك تكلمي بالقروب والي تقولك كلمي زوجته هذوولا يبون يخربون عليك بيتك
لان ما تدرين اذا تصرفتي هالتصرفات وين بيوصل الموضوع
ولاي درجه بيكبر

الله يهديه لك ويجعلك قره عينه ياارب ويهدي اخوه
شوفي حياتي لاتكلمين احد زي ماقالو البنات يمكن تسببين مشكله بينهم وتجي ع راسك وبغض النظر عن المشكلة يمكن هيا زيك مارح تقدر تتصرف معه بشي
انتي قولي لزوجك انا مارح اقولك اطلع من القروب عشانه بس هذا انت تعرف رسايله فلاتفتح منه شي لا فيديو ولا صور ويقفل خاصيه حفظ الصور تلقائيا بالاستديو
وانصحيه داااايم وعسى الله يهديه ويسخره لك