زوجي ولساني الطويل

بنات ابغ مساعدتكم في الي انا فيه زوجي ولله الحمد انسان بيخاف الله ومن بيته لمسجد لعمله الله يديمه على كذا دوم بس عندي مشكله معاه انه ماعنده صبر على كلامي واقصد بكلامي موبالكلام العادي يعني اي شى ينرفزني منه على طول ابربر يمكن كلامي يكون قاسي بس من وجهة نظري احس انه سليم فهو صاير يقولي انتي لساااااااااااااااااااااااانك طويل:09: والشهاده لله بيقولي كل شى فيكي حلو الالسانك يبغاله قص وصار اخر مره بيني وبينه هرج وانفعلت وقام يدعي عليا انه لساني ينقص وتزاعلت معاه وقلتله كل الحريم كدا ولاعد تدعي عليا تاني مره يعني بدل ماتدعيلي تدعي عليا بالله يابنات ابغ اعرف انتو كيف مع ازواجكم لاني حاسه انه اغلب الحريم لسانها طويل وبيتحمل الزوج وبتمون عليه زوجته الازوجي يبغاني خرصه ولمن افكر اني ماعد ابربر احس انه حقوقي بتضيع يعني بصراااااااااااااحه اغلب الاشياء الي ابغاه منه بيعملها وعلى قولته خايف من لسانك وانا الحين متضايقه من دعوته عليا خصوصا انه زي ماقلتلكم بيخاف ربنا ابغ حل ساعدوني ولاتطولون بالرد فديتكم يابنات حواء