زوجي ومرة اخوه

تكفون يابنات عطوني حل لمشكلتي مو قادره انام من الهم اللي فيه
طبعا زوجي واخوه بيفتح قريب مطعم كبير ومكلف كثير تقريبا كل واحد حاط 200000 ريال اذا مو اكثر المشكله انه صار باسم زوجة اخوه على الرغم من ان زوجي الكبير حتى ماشاورني او اخذ بخاطري وماقال لي الا لما سالته طبعا انا زعلت وهو الحين نايم ولاهمه
طبعا بتقولون شالفرق بينك وبينها هي زوجها حاط لها بيت واستراحه
وانا زوجي معيشني مع اهله وكل شوي يصبرني وما حصلت شي حتى لبس غالي مااشتري الا للعيد ومن وراه بعد طبعا من توفيري حتى في العيد كان نفسي في طقم ذهب واستخسر فيني ال5000 لكن مااستخسر ال200000في مرة اخوه

طيب انا وش استفدت يقول وفري علي وفي النهايه مااحصل شي طبعا هي كل شي بتدري عنه من اوراق ومكاسب لانها هي اللي بتوقع وانا مستحيل اعرف شي لان زوجي مستحيل يتكلم

تكفون علموني وشلون اخذ حقي منه لاني بفاتحه بالموضوع بكره