شوفي عزيزتي
الدسم صعبه با الليل والنواشف هم صعبه با اليل
نواشف ممكن فطور والسم غداء
اجل العشا
العشا وانا اختك ساندويتشات متنوعه (مرتديلا بانواعها, نقانق , اجنحة دجاج , زعتر ولبنه ,مشروم مع اشياء ثانيه , روبيان مع ماسترد ,نقت )
وطريقة عملها كمان سهله ومعها شرائح طماط وخيار والذي منه
وهذي تروحين المكتبه وتلاقين تيبات صغيره خاصة با الساندويتشات
ممكن شوربات منوعه معها خبز محمص
ممكن سلطات بس مو خضراء لا تبوله او سلطة المكرونه اوالتونه او سلطة الدجاج المشوي
يعني يشبع ولذيذ وخفيف وبنفس الوقت يشهي
وكل يوم نوع مره صامولي مره برجر مره خبز عربي
والله يسعدك ويجعلك افضل من الشيف رمزي واكلك ما يذوق بطعامته زوجك
الله يسخر بينكم
دمتم بود

الله يعينك انا لحد هلا زوجي ما طلب عشا وما عودتو كفاية عليه الغدا والعشا بيدبر حالو باي شي .خليهم يحسو شوية بهم المطبخ والله انا الغدا وبقعد افكر ايش اسوي يزيدني العشا بعد...يامامي هيءهيءهي ء

البنآت ما قصروا عطوكـ أفكآر ..
بصرآحة الله يعينك كفآية الغدآ طبخه هم .. بعد عشا

أختي انا سويت جدول قبل سنة فيه اليوم والعشا يعني عشان لا تحتارين تقدرين تختارين بسهولة

ان شاء الله يساعدج ..

تحياتي

http://up.7cc.com/dldmd884958.pdf.html

هههههههههههههههه ياحبيلك والله حاسه فيك لاني عانيت نفس المعاناة

انا بيت اهلي ماكنت اعرف المطبخ وويم تزوجت توهقت
اذكر كان يقولي كل يوم ابي طبخه غريبه ومبتكره وانااقعد اصيح ماعرف

ومره قالها لي صريحه انا توهقت بك...كنت احسبك طباخه وطلعتي ماتعرفين

جرحتني هالكلمه وزعلت ورحت بيت اهلي وصارت سالفه

بس لما رجعت قلت له انت متزوج عشان الاكل..قال لا
قلت طيب انت انولدت عالم
تزوجت وانت تعرف لكل امور الزواج قال لا
قلت اذن اصبر علي شوي شوي لين اتعلم
وفعلا شوي شوي....وتعرفت على هالمنتدى الحلو
وصرت اخذ الافكار والطبخات من هنا
والحين ماشاءالله بدون مدح لنفسي كل يوم اطبخ له طبخه جديده نادر ماكرر طبخاتي له واتفنن فيها
وصار مفتون بطبخي لدرجة انه يكره ياكل باي مكان غير البيت

ادخلي قسم الاكلات الساخنه والساندوتشات تستفيدين منه كثير

الرز اطبخه مرتين بالاسبوع بس والمعكرونه هو مايحبها اصلا
يحب صياني الخضار..المشاوي صينية الشاورما
الدجاج الصيني
فاصوليا بالزيت
صينية الدجاج بالخضار والجبن والقشطه
مقلقل اللحم
كلوب ساندوتش
صينية بيتزا البيض
صينية الفلافل مع الخلطه
المطبق
التورتيلا
سمبوسه بالخضار او بباللحم
بطاطس محشي
بيتزاالبطاطس_كرات البطاطس بالدجاج والكريمه
وصياني البطاطس كثييييييييييييييييره مرره
ستيك مشوي مع الفطر والبطاطس المشوي
مسقعه
داود باشا
كفته مشويه بالفرن
بروست الدجاج
شيش طاووق
دجاج بالزبادي
صياني السمك مؤه تبيله وشاويه ومره بالفرن مع الخضار
والربيان اذا يحبه مره مشوي ومره صيني ومره شاندوتشات ربيان
السلطات بانواعها يعني كل يوم نوع سلطه

انا زوجي بعد مايحب المقلي ابدا والزيوت انواع العذاب لازم اكل صحي واحيانا والله اخبص لاني اشتهي شيء مقلي

هذي اللي تحضرني الحين
واي مساعده انا بالخدمه



ويوم اطلعوا تعشوا برى
ويوم اشتروا العشاء من برا وتعشوا بالبيت
عموما هي فتره بداية الزواج وبعدين خلاص يصبح العشاء امره سهل