زوجته الان حامل

حبيبتي لا تخاااااافين اعرف وحده نفس مشكلة زوجك بالضبط وحملت طبيعي بعد سنه وعليها
حتى زوجها م كان منتظم بالادويه وم شاءالله حملت
الله يسهلها ويقومها بالسلامه وعقبالك ان شاءالله

الله يرزقك ليش طفشانه احمدي الله على الاقل وضحت علة زوجك وكثير حملو حريمهم بعد ماعملو عملية الدوالي وانتي وزوجك مشتركين اكيد انتي شافو تبويضل ضعيف وانبوب مسدود اكيد اعطوك العلاج وزوجك ان شاء الله يتعالج ويتشافى وخلي ثقتك بالله قويه واي وحده ترسل لك رقم دكتوره على حسب نيتها اذا تحبك اشكريها واذا بس تجرح فيك قولي لها مأجلين فكرة الحمل لسنتين نبغى نعيش حياتنا من غير وجع راس

أاااااااه يا قلبي ربي يرزقك ويرزقني ويرزق كل متأخره
راح أقولك قصتي لعل وعسى أخفف عليك
أنا الله يسلمك فالبداية لما كملت سنتين من الزواج قمت أعمل فحوصات وووووو وطلع كل شي سليم الحمدلله بس تخيلي زوجي كان رافض يفحص !!!!!!!
مع ان كانت تحصل أشياء تأكد لي منه السبب بس كنت أطنش وأقول مستحيل إنسان رياضي ما شاء الله كيف تكون عنده مشكلة فالأنجاب ....
تخيلي مر على زواجنا ٨سنوات وهو كان رافض وأنا صابره 💔
لحد ما من نفسه قرر يروح وتخيلي الصدمه لمن فحص قالوا لنا ما لكم أمل بالأنجاب الطبيعي غير أطفال الأنابيب طلع عنده ضعف ووو الحيوانات المنويه ضعيفه ومدري شنو ....
تخيلي دموعي قامت تنزل مثل المطر ونفسيتي كانت بالحضيض ...
والأدهى والأمر نظرات أهله وتعاملهم معي كأني أنا صاحبة المشكله وتخيلي ياما سمعوني كلام وكنت أبلع وأسكت ..
بعدها الله يسلمك رفض عملية أطفال الأنابيب تخيلي وانا ابكي وحالتي حاله وأقوله واشرحله بس شنو هو والجدار واحد هههههه
ورحت لأهلي وقلت لأمي خلاص انا بنفصل عنه تعبت من حقي أكون ام تعبت ...امي عصبت علي 💔💔
شنو هالكلام احنا ما عندنا بنات يتطلقون صبري عليه ومدري شنو وووووو ...
بعدها كلمت وحده من صديقاتي المقربات كأنها أخت لي وقلتلها وما قصرت بحكم انها كانت تشتغل بمستشفى حكومي توسطت لزوجي عند دكتور استشاري وكلمت زوجي ونفس الموال رافض 😩😩
قمت ابكي وافهمه فالأخر قال بروح بنفسي ما تجين معاي 😅😤🙁
قلتله طيب موافقه أهم شي تروح ...وتخيلي الصدمه بعد مرور ٨سنوات وشي قاله الدكتور عندك دوالي في مرحلة متقدمة مره 😞😞وتحتاج عمليه ضررررررروري
وهي سبب الضعف وووووو الخ
تخيلي جاني حزين ومنكسر يبكي انا ظلمتك معي وانا وانا قلتله لا تقول كذا ربنا كريم وان شاء الله بيرزقنا
ومنها جمعنا مبلغ وسافرنا الخارج وعمل العمليه واكلمك الحين وانا مكمله عشر سنوات وشي وبندخل في ١١سنه وبدون أطفال والحمدلله ...
مع ان فحوصاته الأخيره كلها سليمه ...
ما اقول غير الحمدلله على كل حال ..
اللي تحملته وعانيته ويا زوجي ولا وحده تتحمله وصارت أشياء وايد ما قدرت أذكرها كلها 😅😅
والحين صار عندي برود وتبلد من هالموضوع ونسيته وركنته في طَي النسيان ...
لعل الله في يوم من الأيام يسعدني ويرزقني ما أتمنى 🌹

نعرف رجال من الجماعه صلحوا عملية الدوالي وبعد سنه من العمليه وجاهم اولاد ما شاء الله وبعضهم بعد سته شهور اصبري الصبر زين وكبري دماغ