زوجي ومشكلته النفسيه الله يفرج همومك ادخلو وعلموني

مساءالخير يابنات
كيفكم
والله انا متضايقه ونفسيتي زفت
ابقولكم السالفه انا لي متزوجه خمس سنين وعندي بنت وحامل الحين
المهم زوجي قبل الزواج كان سمين مره يعني وزنه كان بالميتين يعني سمين مره
المهم قبل الزواج قرر انه ينحف بعد ماتعبته السمنه برجوله وعضامه صار كنه شايب من الام اعضامه الهم سوا حميه من رااااسه كان ياكل وجبه وحده باليوم عباره عن خبزه بر وزبادي خالي الدسم وعليها لين من بكره وجبه وحده بس
وبخلال سنه بس نحف نحف يروع وصل وزنه يابنات 79 تخيلو من ميتين إلى 79 بسنه وحده بس وبدون رياضه وبدون مشي ولا شي بعد الزواج انصدمت بجسمه ترهلات قسم بالله بششششع بشششع بششع قليله ترهلات فضيعه فيه كنت اكره اشوفه بدون ملابس رعب وحاولت فيه يسوي تمارين ياحاول يشد جسمه بس بدون فايده المهم انا صبرت على شكله وحمدت الله وشكرته انه انسان طيب ويصلي ويصوم صحيح ان ماديته ضعيييفه لابعد درجه بس وحالتهم يرثى لها بس قلت اهم شي انه اذا صارت معاه فلوس مايقصر وهو يحبني بس عشان كذا صبرت عليه قلت اهم شي الاخلاق وانه يصلي ويصوم ومحافض على الصلوات يعني من اللي متدينين بس ماهو بتشدد ولاهو مطول لحيته ولا شي بس ان اخلاقه عاليه المهم بعد الزواج 6شهور اذكر يابنات زي الحين كنا جالسين انا وياه نتعشى ونسولف وكان فيه باتلفزيون عرض ازيا باحد القنوات قالي والله مادري هالعارضات كيف عايشات من النحف نحاف لدرجه البشاعه قلت له عن معلومه سبق لي وقريتها عن عارضات الازيا وهي انهم ياكلن اللي يبغن مالذى وطاب بس بعد مايخلصن اكل يرجعن كل اللي اكلنه قالي بتعجب والله وانا اقول ليش بعض الناس اشوفهم ياكلون بشراهه بس مايسمنون وحسيت من كلامه ان الفكره اعجبته المهم عدت السالفه والا الاحض زوجي صار ياكل اكثر من اول وكنت اراقبه يروح للمغسله ويرجع كل اللي اكله وانا انصدم بعدين جيته وقلت له انت ترجع ارتبك وقالي ايه حسيت اني انغثيت من الكل شوي بعدين يابنات صار بعد الاكل يدخل الحمام ويقفل الباب ويرجع ويطلع بعد كل وجبه
تخيلو صار كنه مريض نفسي المهم انه نحف بزياده وصار شكله فضيييع صار ضهره منحني بشكل مره بشع وصار وجهه شاحب الحين له اربع سنين على هالحاله ويحسبني مادري عنه انا تعبت منه قسم بالله واحس نفسيتي بدت تتعب يابنات صار فمه تطلع منه روايح بشششعه ماقدر انام جنبه وجسمه هزيييل هززززيل احس اني متزوجه ورع مريض نفسي مادري كيف اصارحه اني اعرف عن هاشي اللي يسويه
حاولت اوصله معلومه بكذا طريقه ان هاذا الفعل حرام ومايجوز وانه مهلكه لنفس بس بشكل غير مباشر وهو ولا كني اتكلم مايخلي هالعاده والله اني بيضقه وهم مايعلم فيه الا الله مادري وش اسوي اتجرا واقوله اني ادري عنه بس احس اني استحي اقوله لانه هو يتخبى عني وكذا والله ماني عارفه ومضيقني هالموضوع الله يخليكم شورو علي وش اسوي تكفووون احس جالس يذبح نفسه بالبطئ وهو مهو عارف