زوجي ومشكلتي

السلام عليكم اتمنى اي وحده تقرأ موضوعي تدعي ان ربي يفرجها على...
المشكله يابنات انه انا مغتربه بمنطقه غير منطقة اهلي و زوجي وكل اسبوع زوجي يجي يبات عندي 3ايام وجلست من اهلي شهر وكان عند ولدي موعد بمنطقتي وصار عند اهلي مناسبه وقلت لزوجي بااخذ اجازه يوم و اروح لااهلي احضر المناسبه وتودي واساعد امي وأودى ولدي موعده على اساس زوجي يجي ياخذني ويوديني المهم ارسل زوجي انه مسافر الرياض عزا وكلمت امي وابوي وجاو اخذوني عشان احضر مناسبتهم ورجع زوجي من الرياض وحضر مناسبة اهلي مع ابوه واخته اللي تصير زوجة اخوي وكنت ناويه امشي مع زوجي بعد مناسبة اهلي لكن زوجي اتصل على وقالي انا ماشي بودي ابوي واختي تبغين تروحين عند اهلك او ارجع اخذك قلت ليه ماانتظرتني امشي معك وشد بيننا النقاش قال خلاص روحي مع اهلك بكرا امر اخذك واوديك منطقتك اليوم الثاني ارسلت له اني بروح أزور أمه وقلت له تبغا تاخذني من عند اهلك ونمشي قال لا ارجعي بيت اهلك بمرك هناك ارسلت اترك باب البيت فاتح بااخذ أغراض وبعدين حذفت رسالتي قام اتصل يقول ليش تحذفين الرساله قلت كنت ابغا ملابس وبطلت قال لو ترسلين خرا زفت اتركي الرساله قلت لا تكلمني كذا انا مو أصغر عيالك قال الا أصغر عيالي قلت دام اسلوبك وسخ كذا ارسل ورقة طلاقي وقفلت الخط لقيته اتصل ع ابوي يقوله بااجيك ياعم ابكلمك بموضوع لمن سألني ابوي عن الموضوع حكيت له السالفه وقلت لأبوي تراه ضربني السنه الماضيه ولاكبرت المشكله وحكيت لك ووريت ابوي صور بجوالي لعلامات ضربه بجسمي ابوي تضايق ولمن جا زوجي ابوي تكلم عليه وهزأه بقوه ووراه الصور زوجي انصدم بالصور وصار يحلف انه ماضربتها قال ابوي لاتكذب انت ماراح تلقى احسن من نسبي واحسن من بنتي وانا تفاجأت ان زوجي انكتم وصارت الدموع بعيونه من الصدمه وقاله ابوي انا خدمتك بعيوني ورحت جبتها من منطقتها عشانك مسافر وعشان موعد ولدك وانت ماقدرت ني بعدها قال ابوي خلاص انا اوصلها انا وامها عيا زوجي ووصلني بنفسه ولا تكلمنا ابدا مشوار الخط 260كيلو احنا ساكتين وقضا للشقه ومشى.. شوروا على اش اسوي وهل انا غلطانه اني علمت ابوي بكل مشاكلي السابقه معه؟!