زوجي ومشكلتي معاه

السلام عليكم

والله اني احب هالمنتدى واحس اني مالي غنى عنه

عندي مشكله بيني وبين زوجي وارجو انه يكون الحل عندكم

تزوجت من 8 شهور والحمدلله زوجي يحبني وطيب معي
المشكله فيه انه انسان بيتوتي جدا وعنده عزله وقليل من الرهاب الاجتماعي
زوجي عمره 28 سنه دارس بامريكا وعنده ماجستير واللي يشوفه يعطيه خمسين لانه ابدا مايهتم بشكله ولا بصحته هزيل جدا وشكله مريض يعني لما احد يشوفه يحس المرض من عيونه عنده خمول وكسل غير طبيعي
يرجع من الشغل ينام ويصحى وهو كسلان يقعد ساعتين وهو كسلان وماله خلق في الحياه ويرجع ينام مره ثانيه الى الصباح
ملليت الحاله اللي هو فيها والله احاول اغير الجو واتكلم معاه بس مافيه فايده يتغير يوم واحد بس وبعدين يرجع لحالته وللازمه اللي هو عايش فيها
احيانا ااشوفه تنسد نفسي حتى اني اتكلم معاه من شكله والخمول اللي عنده كم مره اقوله نروح للدكتور يمكن عندك فقر دم يرفض

اكره اني اطلع اتمشى معاه لان طول وقته وهو مكشر والله يابنات لو الضحكه تنشرى لا شتريها له لما نروح مطعم مثلا يستحي انه يتكلم معاي عشان مايسمعونا الطاولات اللي جنبنا والله فيه خجل غير طبيعي ما احس اني متزوجه رجال بالعكس كأنه بزر مايعرف يتصرف مره قالي انا ما احب آكل والناس يشوفوني بالله فيه رجال يقول كذا انا ابغا اعرف كيف عاش في امريكا بس

بصراحه اول الايام كنت مستحمله وابين لاهلي انه مافيه شي واني مبسوطه ولا كنت انتقده في اي شي بالعكس كنت اترجاه انه مثلا يحط عطر وكان يرفض واترجاه انه يطلعني ونتمشى ونغير جو نتكلم ...واحس انه اتمادى لاني كنت اترجاه وماكان يعيرني اي اهتمام عايش حياته زي مايبغا فقلت خلاص الحل هو اني اتعايش مع حالته اللي هو فيها بس ماقدرت كنت كل يوم ابكي بيني وبين نفسي

المهم هالايام احس اني ماعندي صبر طول وقتي وانا زعلانه ان رضيت يوم ازعل عشره انتقده في كل شي اشوفه غلط فيه في شخصيته وشكله جلسته معاي

والله يابنات مو بكيفي بس نفسيتي تعبانه مره وماعندي احد اشكيله
بصراحه انا ما احبه ابدا واحيانا اقول لو احبه بتقبل السلبيات اللي فيه والله اني ما اتقبل اي شي فيه
ادري اني صايره انانيه ونكديه بس مو بيدي ادعي ربي واقول اللهم لاتلمني فيما تملك ولا املك لاني والله بجد مو قادره احبه

يمكن يابنات هو اللي ماخلاني احبه لانه من اول ايام الزواج مايهتم فيني ولا بنفسه ولا بشكله حى عطر مايحط علشاني وكنت استحمل ريحته و بس كان همه انه ينام بدري وطول وقتي في بيت اهله حتى هم يقولون خلاص لا تجون عندنا روحو اتمشو ويكلموه بس مافيه فايده عارفين ولدهم ماكان يطلعني حتى السفر ابدا مو في باله وابدا ما اعترضت على هذي النقطه مع ان كل اخوانه سفرو زوجاتهم ووالله اني صابره ولا همني سفر ولا فلوس ولا غيره همي اني ابغا اعيش مع انسان احس معاه بالامان احس برجولته ووشبابه ونشاطه يطلعني يتكلم معاي يقولي كلام حلو بس ابغا يتغير مو عن شي عشان اقدر احبه وعشان اقدر اعيش معاه

آآآه يابنات والله ما ادري ايش اقولكم بس من جد هم في قلبي مايعلمه الا ربي

سؤالي لكم هل الحب مهم في الحياه الزوجيه وهل ممكن العيش بدونه ؟ وكيف اقدر اني اتعايش مع زوجي بدون ما احبه ؟
وسؤالي الثاني اللي عندها حل وكيف اقدر اغير زوجي ونمطه وحياته كلها واخليه شخصيه رجوليه واثقه من نفسها ياليت ماتبخل علي

الله يوفقكم يارب لما يحبه ويرضاه
اختكم ريناد